Kalki 2898AD : నాగ్ అశ్విన్ దర్శకత్వంలో తెరకెక్కిన కల్కి 2898AD సినిమా గత నెల జూన్ 27న రిలీజయి భారీ విజయం సాధించడం మ‌నం చూశాం. ఈ చిత్రంలో ప్రభాస్, అమితాబ్, కమల్ హాసన్, దీపికా పదుకోన్.. పలువురు ముఖ్య పాత్రలతో తెరకెక్కిన కల్కి సినిమా ఇప్పటికే 1000 కోట్లకు పైగా గ్రాస్ కలెక్ట్ చేసి దూసుకుపోతుంది. కల్కి సినిమా ఇంకా థియేటర్స్ లో ఆడుతుంది.700 కోట్ల భారీ బడ్జెట్ తో అత్యంత ప్రతిష్ఠాత్మకంగా ఈ సినిమాను నిర్మించింది. జూన్ 27న ప్రపంచ వ్యాప్తంగా రిలీజైన్ కల్కి బాక్సాఫీస్ రికార్డులు దులిపేస్తోంది. సినిమా రిలీజై సుమారు నెల రోజులు కావొస్తున్నా కలెక్షన్ల ప్రభంజనం ఆగడం లేదు.
బరిలో పెద్ద సినిమాలేవీ కూడా లేకపోవడంతో ‘కల్కి 2898 AD’ సినిమాకి ప్రేక్ష‌కులు బ్ర‌హ్మ‌ర‌థం ప‌డుతున్నారు. ఇప్పటికే ప్రభాస్ సినిమా రూ.1000 కోట్ల క్లబ్‌లో ఈజీగా చేరిపోయింది. కాగా ఈ సినిమాకు ప్రధానం కారణం మహా భారతం సీన్స్. చాలా మంది జనాలు ఈ సీన్ల కోసమే కల్కి సినిమాకు వెళుతున్నారు. అయితే ఇప్పుడు ఇదే సన్నివేశాల విషయమై కల్కి చిత్ర బృందానికి కల్కి ధామ్ పీఠాధిపతి నుంచి లీగల్ నోటీసులు వచ్చాయి. ఈ సినిమా హిందువుల మనోభావాలు దెబ్బ తీసేలా ఉందని ఆచార్య ప్రమోద్ కృష్ణమ్ చిత్ర బృందంతో పాటు సినిమా ప్రధాన పాత్ర ధారులైన హీరో ప్రభాస్, బిగ్ బీ అమితాబ్ బచ్చన్ కు లీగల్ నోటీసులు పంపారు. ఈ సినిమాలో కల్కి పుట్టుకని తప్పుగా చూపించారని ఆయన అభ్యంతరం వ్యక్తం చేశారు.
కృత్రిమ గర్భంలో కల్కి జన్మించడాన్ని ఆయన తప్పు పట్టారు. మన పురాణాల్లో ఉన్న వాటికి కల్కి సినిమా విరుద్ధంగా ఉంది. ఈ సినిమా మతపరమైన మనోభావాలు కించపరిచేలా ఉంది. అందుకే మేం అభ్యంతరాలు చెప్పాం. చిత్ర బృందం స్పందన కోసం మేం వేచి చూస్తున్నాం. కల్కి భగవానుడి కాన్సెప్ట్‌నే ఈ సినిమా మార్చేసిందని, ఇలా చేయడం పురాణాలని అగౌరపరచడమే. దీని వల్ల పురాణాలు, ఇతిహాసాలపై జనాల్లో తీవ్ర గందరగోళం ఏర్పడుతుంది’ అని ఆచార్య ప్రమోద్ కృష్ణమ్ తన నోటీసుల్లో పేర్కొన్నారు.అయితే ఈ సినిమాతో మహాభారతం, కల్కి గురించి గొప్పగా చెప్తే ఇలా మనోభావాలు దెబ్బ తీసారని నోటీసులు పంపించడంతో అభిమానులు, సినిమా నెటిజన్లు విమర్శలు చేస్తున్నారు. సినిమా ముందు డిస్క్లైమర్ చదవలేదా అని కామెంట్స్ చేస్తున్నారు.
