Jr NTR : ఆర్ఆర్ఆర్ సినిమాతో పాన్ ఇండియా స్టార్ ఇమేజ్ అందుకున్న ఎన్టీఆర్ ప్రస్తుతం కొరటాల శివ ద‌ర్శ‌క‌త్వంలో మూవీ చేస్తున్నాడు. ఈ సినిమాకు ‘దేవర’ అని టైటిల్ పెట్టారు. శత్రువులను చీల్చి చెండాడిన సింహంలా.. సముద్రపు ఒడ్డున నిలబడిన కాల యముడిలా ఫస్ట్ లుక్ పోస్టర్‌లో జూనియర్ ఎన్టీఆర్ క‌నిపించి ఫ్యాన్స్ కి పూన‌కాలు తెప్పించాడు. గ‌తంలో ఎప్పుడూ చూడని ఊర మాస్ లుక్‌లో ఎన్టీఆర్ ఆశ్చర్యపరిచారు. ఈ ఊర మాస్ లుక్‌ను ఎన్టీఆర్ అభిమానులు విపరీతంగా ఎంజాయ్ చేశారు. లుక్ అదిరిపోయిందని సోషల్ మీడియాలో ర‌చ్చ చేశారు. జాన్వీ కపూర్ హీరోయిన్‌గా చేస్తోన్న ఈ సినిమాలో బాలీవుడ్ నటుడు సైఫ్ అలీ ఖాన్ విలన్‌గా చేయనున్నారు.
దేవర ఫస్ట్ లుక్ గమనిస్తే..ఎన్టీఆర్ లుంగీ ధరించి చేతిలో బడిసే లాంటి పెద్ద ఆయుధాన్ని పట్టుకొని పవర్‌ఫుల్‌గా క‌నిపించాడు. పూర్తిగా నలుపు రంగు దుస్తుల్లో మెరిసిన తారక్.. సముద్ర తీరంలో అలలు పోటేతెత్తున్న సమయంలో బండ్ల రాతిపై నిల్చొని తీక్షణగా చూస్తున్నట్లు కనిపించారు. బ్యాక్ గ్రౌండ్‌లో పడవ, అందులో ఉన్న గుట్టలుగా పడి ఉన్న శవాలు కూడా మ‌న‌కు క‌నిపిస్తాయి. పోస్టర్ మాత్రం సినిమాపై ఎంతో ఉత్కంఠను కలగజేసింది. ఇక టీజర్, ట్రైలర్ వస్తే అంచనాలు ఆకాశానికి అంటుతాయని ఫ్యాన్స్‌తో పాటు సినీ పండితులు చెప్పుకొచ్చారు.
అయితే ఎన్టీఆర్ సినిమాతో టాలీవుడ్‌లోకి అడుగుపెట్టిన జాన్వీ కపూర్.. ఎన్టీఆర్‌తో న‌టించ‌డానికి చాలా ఇబ్బందులు ప‌డుతుంద‌ట. . ఎన్టీఆర్ సింగిల్ టేక్ ఆర్టిస్టు కాగా, జాన్వీ కపూర్ మాత్రం చాలా టేకులు తీసుకుంటుంద‌ట. ఇది ద‌ర్శ‌కుడికి పెద్ద సమస్య గా మారిపోయింది. ఎన్టీఆర్ వేగాన్ని ఆమె అందుకోలేకపోతుందట. లైవ్‌లో ఎన్టీఆర్ డైలాగ్ డెలివ‌రీకి కూడా జాన్వీ త‌ట్టుకోలేక‌పోతుంద‌ట. ఎక్కువ టేక్స్ తీసుకోవాల్సి వస్తున్న నేప‌థ్యంలో, షూటింగ్ డేస్ పొడిగించుకుంటూ పోవాల్సి వస్తుందని కొరటాల శివ చిరాకు పడుతున్నాడట. దీనితో జాన్వీ కపూర్ షూటింగ్ రావడానికి జంకుతున్న‌ట్టు స‌మాచారం.
