Jr NTR Kannada Speech : మొదటి నుంచి కన్నడలో విడుదలవుతున్న ఇతర భాషల సినిమాలపై కన్నడ ప్రేక్షకులు ఎప్పటినుంచో ఆగ్రహంతో ఉన్నారు. ఇతర భాషా చిత్రాలను వారి కన్నడ భాషలో విడుదల చేయకుండా కన్నడ హీరోలతో డబ్ చేసి అక్కడ విడుదల చేయాలన్నది వారి ప్రధాన వాదన. కానీ నిన్న నవంబర్ 1న బెంగళూరులో జరిగిన కర్ణాటక రాజ్యోత్సవ వేడుకలకు హాజరైన జూనియర్ ఎన్టీఆర్ కన్నడ ప్రేక్షకులను పూర్తిగా ఆకట్టుకున్నాడు. తారక్ కన్నడలో అనర్గళంగా మాట్లాడాడు. ఎన్టీఆర్ స్వచ్ఛమైన కన్నడ భాషలో మాట్లాడిన వీడియో ఇప్పుడు సోషల్ మీడియాలో వైరల్ అవుతున్నాయి.
ఇటీవల కర్ణాటక అసెంబ్లీలో జరిగిన కన్నడ రాజ్యోత్సవ కార్యక్రమానికి యంగ్ టైగర్ ఎన్టీఆర్ హాజరయ్యారు. ప్రత్యేక విమానంలో బెంగళూరు చేరుకున్న ఎన్టీఆర్ కి కన్నడ రాష్ట్ర ప్రభుత్వం ఘన స్వాగతం పలికింది. ఈ కార్యక్రమంలో కన్నడ సూపర్ స్టార్ హీరో దివంగత పునీత్ రాజ్ కుమార్ కు కర్ణాటక ప్రభుత్వం అత్యున్నత పురస్కారమైన కర్ణాటక రత్నను ప్రదానం చేయటం జరిగింది .
ఈ వేడుకలో ఎన్టీఆర్ మాట తీరు, ప్రవర్తించిన తీరు అందరినీ ఆశ్చర్యపరిచింది. పునీత్ రాజ్ కుమార్ మీద ప్రేమను తన మాటల్లో వ్యక్తపరిచాడు ఎన్టీఆర్. అలా ఎన్టీఆర్ మాటలు, చేతలు అన్నీ కూడా అందరినీ ఆకట్టుకున్నాయి. నేను ఇక్కడికి అతిథిగా కాదు అప్పుకి స్నేహితుడిగానే వచ్చాను. ఎవరైనా కుటుంబ పెద్దల నుంచి ఇంటి పేరునో, వారసత్వాన్నో పొందుతారు. కానీ మంచి వ్యక్తిత్వాన్ని మనమే సంపాదించుకోవాలి. అహంకారం లేని వ్యక్తిత్వం, ఎప్పుడూ చిరునవ్వుతో యావత్ కన్నడ రాష్ట్ర ప్రజల హృదయాలను గెలుచుకున్న వ్యక్తి పునీత్ రాజ్ కుమార్. అందుకే ఈ అవార్డు ఆయనకు దక్కింది. అతని నవ్వులో ఉన్న సంపద ఇంకెక్కడా దొరకదు అని అన్నారు.
స్వర్గీయ పునీత్ రాజ్ కుమార్ కర్ణాటకలో గొప్ప సూపర్ స్టార్, ఒక గొప్ప కొడుకు, ఒక గొప్ప తండ్రి, ఒక గొప్ప ఫ్రెండ్, గొప్ప యాక్టర్, సింగర్, డ్యాన్సర్ వీటన్నిటిని మించి ఒక గొప్ప మానవతావాది అని ఎన్టీఆర్ పునీత్ రాజ్ కుమార్ గురించి ఎంతో గొప్పగా చెప్పుకొచ్చారు. నా ఉద్దేశంలో కర్ణాటక రత్న అంటే అర్థమే పునీత్ రాజ్ కుమార్ అని అన్నారు ఎన్టీఆర్. పునీత్ గురించి ఎన్టీఆర్ స్పీచ్ మొత్తం కన్నడలో మాట్లాడటం విశేషం. ఈ కార్యక్రమానికి పలువురు రాజకీయ నేతలు, సినీ ప్రముఖులతో పాటు, రజనీకాంత్ కూడా హాజరయ్యారు. ఈ కార్యక్రమంలో ఎన్టీఆర్ అనర్గళంగా కన్నడ భాషలో మాట్లాడటం చూసిన కన్నడ ప్రజలతో పాటు, రజనీకాంత్ సైతం ఎన్టీఆర్ మాట తీరుకు ఫిదా అయిపోయారు.
