Jr NTR Farm House : టాలీవుడ్ టాప్ హీరోల‌లో ఒక‌రైన ఎన్టీఆర్ భారీగా ఆస్తులు కూడ‌బెట్టిన విష‌యం తెలిసిందే. ఖరీదైన కార్లు కొనుగోలు చేయ‌డం, విలాసవంత‌మైన బిల్డింగ్ క‌ట్ట‌డం, వంద‌ల ఎక‌రాల ఫామ్ హౌజ్‌లు కొనుగోలు చేయ‌డం చేస్తున్నాడు. ఇటీవలే ట్రిపుల్ ఆర్ సినిమాతో సూపర్ సక్సెస్ అందుకున్నారు ఎన్టీఆర్. రాజమౌళి దర్శకత్వంలో తెరకెక్కిన ఈ సినిమాలో రామ్ చరణ్‌తో కలిసి తెర పంచుకొని ప్రేక్షకులకు బిగ్ ట్రీట్ ఇచ్చారు. దేశవిదేశాల్లో ఈ సినిమా సూపర్ సక్సెస్ సాధించింది. 200కోట్లకు పైగా కలెక్షన్స్ రాబట్టి సత్తా చాటింది. ఇప్పుడు అదే జోష్ తో దేవ‌ర అనే సినిమా చేస్తున్నాడు.
ఎన్టీఆర్‌కి సంబంధించిన వార్తొక‌టి నెట్టింట తెగ వైరల్ అవుతోంది. అదేంటంటే.. ఆయన ఫామ్ హౌస్ సిద్ధ‌మైంద‌ని. గ‌త ఏడాది ఫామ్ హౌస్ కోసం హైద‌రాబాద్ న‌గ‌ర శివార్ల‌లో భూములు కొన్నారు ఎన్టీఆర్. అప్ప‌టి నుంచి ఫామ్ హౌస్‌ను రూపొందించే ప‌నిలో ఉంటూ వ‌చ్చారు. ఎట్ట‌కేల‌కు ఈ ఫామ్ హౌస్ రెడీ అయ్యింద‌ట. తాత‌య్య నుంచి వ‌స్తోన్న సెంటిమెంట్‌ను ఫాలో అవుతూ తన ఇంటికి ‘బృందావ‌నం’ అనే పేరు పెట్టారట ఆయన. రీసెంట్‌గానే ఆ ఫామ్ హౌస్‌ను భార్య ల‌క్ష్మీ ప్ర‌ణ‌తి కి గిఫ్ట్‌గా ఇచ్చార‌ని స‌మాచారం.
300 ఎక‌రాల‌లో ఫామ్ హౌజ్ ఉంద‌ని, ఇది చాలా రిచ్‌గా ఉంటుంద‌ని అంటున్నారు. దీనికోసం ఎన్టీఆర్ ఏకంగా 9 కోట్ల రూపాయలు వెచ్చించారని తెలుస్తోంది.ఖరీదైన వస్తువుల పట్ల ఎన్టీఆర్ ఎంత మక్కువ చూపుతారో మనందరికీ తెలుసు. ఇప్పటికే ఆయన గ్యాలరీలో ఖరీదైన కార్లు, బైకులు ఎన్నో ఉన్నాయి. అదే బాటలో ఇప్పుడు టాలీవుడ్ హీరోలందరితో పోల్చితే తన ఫామ్ హౌస్ ఎంతో రిచ్‌గా ఉండాలని ఎన్టీఆర్ ఫిక్సయ్యారట ఎన్టీఆర్. ఇక జూనియ‌ర్ ఎన్టీఆర్ ఇప్పుడు తెలుగులోనే కాదు హిందీలోను సినిమాలు చేస్తూ పాన్ ఇండియా హీరోగా పేరు తెచ్చుకున్నాడు.
