Jr NTR : యంగ్ టైగర్ ఎన్టీఆర్ గురించి ప్ర‌త్యేక ప‌రిచ‌యాలు అక్క‌ర్లేదు. ఆయ‌న ప్రస్తుతం ఇటు తెలుగు, అటు హిందీ భాష‌లో కూడా సినిమాలు చేస్తున్నాడు. కొర‌టాల శివ ద‌ర్శ‌క‌త్వంలో జూనియర్ ఎన్టీఆర్ ప్రస్తుతం దేవర: పార్ట్ 1 షూటింగ్‌ను పూర్తి చేయాల్సి ఉంది. అయితే ఇటీవల తన తొలి బాలీవుడ్ ప్రాజెక్ట్ వార్ 2 షూటింగ్ కోసం ఎన్టీఆర్ ముంబై వెళ్లిన సంగతి తెలిసిందే. ఈ సినిమాలో బాలీవుడ్ స్టార్ హృతిక్ రోషన్‌తో కలసి ఎన్టీఆర్ నటిస్తున్నారు. తాజాగా ఎన్టీఆర్ బాంద్రాలోని ఓ రెస్టారెంట్‌కి డిన్నర్‌కి వెళ్లారు. ఈ డిన్నర్ డేట్‌లో రణబీర్-అలియా భట్, హృతిక్ రోషన్, కరణ్ జోహార్‌లతో కలిసి ఎన్టీఆర్ సతీసమేతంగా సందడి చేశారు. సాధార‌ణంగా ముంబైలో నైటౌట్లు, పార్టీలు కామనే.
అయితే హైదరాబాద్ లో ఉన్నప్పుడు చాలా వరకూ ఇలాంటి వాటికి దూరంగా ఉండే జూనియర్ ఎన్టీఆర్.. ఇప్పుడు ముంబై వెళ్లిన తర్వాత వాటికి అలవాటు పడ్డట్లున్నాడు. తాజాగా ఆదివారం (ఏప్రిల్ 28) రాత్రి బాలీవుడ్ స్టార్లు రణ్‌బీర్ కపూర్, ఆలియా భట్, హృతిక్ రోషన్, సబా ఆజాద్, కరణ్ జోహార్ లతో కలిసి జూనియర్ ఎన్టీఆర్, అతని భార్య లక్ష్మి ప్రణతి డిన్నర్ కు వెళ్లారు. ఈ అరుదైన ఫొటోల కోసం అక్కడి ఫొటోగ్రాఫర్లు ఎగబడ్డారు. ఈ డిన్నర్ కోసం జూనియర్ ఎన్టీఆర్, లక్ష్మీ ప్రణతి, ఆలియా, రణ్‌బీర్, కరణ్ జోహార్ కలిసి వచ్చారు. ఆ తర్వాత హృతిక్ రోషన్, సబా ఆజాద్ వాళ్లతో చేరారు. వార్ 2 మూవీలో హృతిక్ తో కలిసే తారక్ నటిస్తున్న విషయం తెలిసిందే. బ్రహ్మాస్త్ర డైరెక్టర్ అయాన్ ముఖర్జీ ఈ మూవీని డైరెక్ట్ చేస్తున్నాడు.
దీంతో అటు బ్రహ్మాస్త్ర, ఇటు వార్ 2 మూవీ టీమ్స్ కలయికగా ఈ డిన్నర్ సాగింది. ప్రస్తుతం వార్ 2 మూవీ షూటింగ్ ముంబైలోనే కొనసాగుతోంది. ఈ షూటింగ్ కోసమే కొన్నాళ్ల కిందట తారక్ అక్కడికి వెళ్లాడు. ఇప్పుడీ టాలీవుడ్, బాలీవుడ్ స్టార్ల కలయికకు సంబంధించిన ఫొటోలు వైరల్ అయ్యాయి. ఇక వార్ 2 సినిమాని 2025 ఆగష్టు 14న ఈ సినిమాను రిలీజ్ చేయాలని ప్లాన్ చేస్తున్నారు. ఎన్టీఆర్‌కి ఇదే తొలి బాలీవుడ్ ప్రాజెక్ట్. ఈ చిత్రంలో సీక్రెట్ ఏజెంట్‌గా ఎన్టీఆర్ యాక్ట్ చేస్తున్నారు. అయితే తన లుక్‌ను సీక్రెట్‌గా ఉంచేందుకు ఎన్టీఆర్ తెగ కష్టపడుతున్నారు. అందుకే ఇటీవల మీడియా ఫొటోలు తీస్తుంటే ఎన్టీఆర్ సీరియస్ కూడా అయ్యారు.
