Jaragandi Song Mistake : మెగా ప‌వ‌ర్ స్టార్ రామ్ చరణ్ ఆర్ఆర్ఆర్ సినిమాత త‌ర్వాత శంకర్ ద‌ర్శ‌క‌త్వంలో గేమ్ ఛేంజర్ అనే సినిమా చేస్తున్న విష‌యం తెలిసిందే. ఈ సినిమా కోసం రెండేళ్ల నుంచి ఎదురు చూస్తున్నారు మెగా ఫ్యాన్స్. ఈసారి సాలిడ్ గా రావాలని ప్లాన్ చేస్తున్నాడు చరణ్ . సౌత్ స్టార్ డైరెక్టర్ శంకర్ కాంబినేషన్ లో గేమ్ ఛేంజర్ సినిమా చేస్తున్నాడు చరణ్. అయితే చాలా రోజులుగా మూవీకి సంబంధించి ఎలాంటి అప్‌డేట్ లేదు. అయితే రామ్ చరణ్ పుట్టినరోజు సందర్భంగా గేమ్ చేంజర్ సినిమా నుంచి “జరగండి” అనే పాటను విడుదల చేశారు. అనంత్ శ్రీరామ్ రాసిన ఈ పాటను దలేర్ మెహంది, సునిధి చౌహన్ పాడారు తమన్ సంగీతం సమకూర్చారు. ఈ పాటను ఎన్నో అంచనాల నడుమ రిలీజ్ చేశారు.
ఈ పాటలో ఒక చిన్న పొరపాటు జరిగింది. ఇవాళ రిలీజ్ చేసిన వీడియో లిరికల్ వీడియో కాబట్టి అందులో పాట లిరిక్స్ కూడా ఉన్నాయి. ఇందులో సర్ప్రైజ్ అనే పదం స్పెల్లింగ్ తప్పు రాసారు. SURPRISE అని రాయడానికి బదులుగా SUPPRISE అని రాసారు. దాంతో ఇది చూసిన నెటిజన్లు సరదాగా కామెంట్స్ చేస్తున్నారు. అలా ఎలా అయ్యా.. ఇంత పెద్ద సినిమాలో ఇలాంటి త‌ప్పులు కూడా గ‌మ‌నించ‌క‌పోతే ఎలా అంటూ కామెంట్స్ చేస్తున్నారు.ఇక ఇదిలా ఉంటే ఈపాట అనుకున్నంత స్పందనను రాబట్టలేకపోయింది. ఈ పాటపై చాలాఎఫెట్ పెట్టారు టీమ్. సాంగ్ కోసం దాదాపు 18 కోట్లు ఖర్చుపెట్టి చిత్రీకరించామని ఈ సినిమా నిర్మాతలు ప్రకటించారు.
నిర్మాతలు చెప్పినంత గొప్పగా ఈ పాట లేదని ప్రేక్షకులు పెదవి విరుస్తున్నారు. ముఖ్యంగా రామ్ చరణ్ తేజ్ అభిమానులు ఈ పాట ఆయన స్థాయికి తగ్గట్టు లేదని చెబుతున్నారు. గేమ్ చేంజర్ సినిమాలో ఇంతటి తక్కువ ప్రమాణాలతో పాట ఉందని ఫీల్ అవుతున్నారు ఫ్యాన్స్. అంతే కాదు మ్యూజిక్ డైరెక్టర్ తమన్ ను కూడా ట్రోల్ చేస్తున్నారు. 24 గంటల్లో ఇది ఐదు మిలియన్స్ వ్యూస్‌ మాత్రమే రాబట్టుకుంది. తెలుగు, తమిళం, హిందీలో దీనికి కేవలం 5.3 మిలియన్స్ వ్యూస్‌ మాత్రమే వచ్చాయి. లైక్స్ మూడు లక్షల యాభై వేలు మాత్రమే. ఈ పాట 4.5 మిలియన్ వీక్షణలు , 290K లైక్‌లను పొందింది, ఇది టైర్ 1 హీరో రేంజ్ ఆధారంగా చాలా తక్కువ స్కోర్‌గా పరిగణిస్తారు. ఈ మధ్య కాలంలో ఏ స్టార్ హీరోకి దక్కని అత్యంత తక్కువ వ్యూవర్ షిప్ కావడం గమనార్హం. ఇది నిజంగానే శంకర్, రామ్ చరణ్ ఇద్దరికీ షాక్. జరగండి హిందీ , తమిళం రెండింటి నుండి వరుసగా 310K, 510K వీక్షణలను కలిగి ఉంది.
