Jabardasth Naresh : ఈటీవీలో ఎన్నో కొత్త సీరియల్స్ వస్తున్నాయి. కానీ రియాలిటీ షోల ద్వారా మాత్రం రేటింగ్ తో పాటు ఆదాయం కూడా ఎక్కువగానే వస్తుంది. జబర్దస్త్, క్యాష్‌, శ్రీదేవి డ్రామా కంపెనీ మరో 2, 3 కార్యక్రమాల వల్ల మాత్రమే ఈటీవీ మనుగడ సాధ్యమవుతుంది అంటూ చాలామంది చెబుతున్నారు. జబర్దస్త్ మాత్రమే కాకుండా శ్రీదేవి డ్రామా కంపెనీ కూడా ప్రస్తుతం మంచి రేటింగ్ దక్కించుకుంటూ సూపర్ హిట్ గా నిలుస్తుంది. టీఆర్పీల కోసం కాంట్రవర్సీ మ్యాటర్లను ఎలా క్రియేట్ చేయాలో.. బయట జరిగే వాటిని ఎలా వాడుకోవాలో మల్లెమాల టీంకు బాగానే తెలుసు.
తాజాగా రిలీజ్ చేసిన ప్రోమోలో ఆది, రష్మీ, నరేష్ మీద బాగానే ఫోకస్ పెట్టినట్టున్నారు. సోషల్ మీడియాలో ఆది, రష్మీ, నరేష్‌ల గురించి వచ్చే రూమర్లు, వార్తల మీద ప్రశ్నలు అడిగారు. ఒక్కో స్కిట్‌కు జబర్దస్త్ షోలో లక్షలు తీసుకుంటాడు అని యూట్యూబ్‌లో థంబ్ నెయిల్స్ కనిపిస్తుంటాయి. వాటిపై ఆదిని ప్రశ్నించింది ఇంద్రజ. దీనిపై మొదటిసారిగా నోరు విప్పుతున్నట్టుగా ఆది బిల్డప్ ఇచ్చాడు. రష్మీకి ఓ హీరో ఇంటిని గిఫ్ట్‌గా ఇచ్చాడట.. ఆ హీరో ఎవరు? అని మరో ప్రశ్న అడిగింది ఇంద్రజ.
ఇక నిజంగానే రష్మీ ఆ హీరో ఎవరో చెబుతున్నట్టుగా బిల్డప్ ఇచ్చింది. ఇక నరేష్ తనకున్న లోపం మీద వైద్యుడ్ని సంప్రదిస్తే ఏమన్నాడో తెలుసా? అంటూ ఓ థంబ్ నెయిల్‌ను చూపించి.. దాని మీద నరేష్‌ను అభిప్రాయం అడిగారు. నరేష్ కూడా ఓ రేంజ్‌లో రెచ్చిపోయాడు. డాక్టర్‌ వద్దకు వెళ్తే ఏం అన్నాడంటే.. అంటూ ఇలా ఏదో కాంట్రవర్సీ క్రియేట్ చేసేలా ప్రోమోను కట్ చేశారు. ఈ ప్రోమో చూసిన ఆడియన్స్.. ఇలాంటివి చాలా చూసాం.. ఇందులో ఉన్న కంటెంట్ వంద శాతం ప్రోమో స్టంటే.. ఒక్కొక్కరు ఆస్కార్ లెవెల్ పర్ఫామెన్స్ ఇచ్చారంటూ సెటైర్లు వేస్తున్నారు.
