Ileana : గోవా బ్యూటీ ఇలియానా గురించి ప్ర‌త్యేక ప‌రిచ‌యాలు అక్క‌ర్లేదు. తన అంద‌చందాల‌తో ఈ అమ్మ‌డు తెలుగు ప్రేక్ష‌కుల‌ని ఎంత‌గానో అలరించింది. ఇటీవ‌ల సినిమ‌లు లేక ఇబ్బందిప‌డుతున్న ఇలియానా తాను గర్భవతిని అని రీసెంట్ గానే సోషల్ మీడియా వేదికగా ప్రకటిస్తూ అండ్ సో ద అడ్వెంచర్ బిగిన్స్ అనే కొటేషన్ రాసిన ఉన్న టీ షర్టును పోస్ట్ చేసింది.. దీంతో పాటు నా లిటిల్ డార్లింగ్ ని కలవడానికి ఆసక్తిగా ఎదురు చూస్తున్నా అనే ట్యాగ్ లైన్ కూడా జత చేసింది. దీంతో అప్పటినుంచి ఇలియానాకు ప్రెగ్నెన్సీ ఇష్యూ హాట్ టాపిక్ అయింది. ఇలియానా కడుపులో పెరుగుతున్న బిడ్డకు తండ్రి ఎవరు అనే చ‌ర్చ కూడా న‌డిచింది.
అయితే ఆమెపై ఎన్ని విమర్శ‌లు చేసిన, కామెంట్ల వ‌ర్షం కురిపించిన కూడా ఆ కామెంట్లన్నింటినీ డోంట్‌ కేర్‌ అంటూ ఇప్పుడు ఆమె ఏకంగా బేబీ బంప్ వీడియోనే ఇన్‌స్టా స్టోరీస్‌లో షేర్ చేసింది. గత నెలలో తాను గర్భవతినని ప్రకటించిన తర్వాత ఆమె బేబీ బంప్ వీడియో షేర్ చేయడంతో అంద‌రు షాక్ అవుతున్నారు. ఆ వీడియోలో ఇలియానా బెడ్‌పై కాళ్లు చాపి కూర్చుని ఉంది. ఆమె చేతిలో ఓ నల్లటి మగ్‌ ఉంది. ఈ సందర్భంగా ఆమె తన గర్భాన్ని చూపించింది. ఆ పోస్టుపై ‘లైఫ్‌ లేట్‌లీ’ అనే టెక్ట్స్ రాసింది. అయితే ఇలియానా కడుపులో ఉన్న బిడ్డకు తండ్రి ఎవరని నెటిజన్లు ప్రశ్నల వ‌ర్షం కురిపిస్తున్నారు.
కత్రినా కైఫ్‌ సోదరుడు సెబాస్టియన్‌ లారెంట్‌ మిచెల్‌తో డేటింగ్‌లో ఉన్నట్లు ప్రచారం జరుగుతున్నది. అత‌డే కత్రినా కడుపులో పెరిగే బిడ్డకు తండ్రి అని కొంద‌రు చెప్పుకొస్తున్నారు. ఇలియానా పోస్ట్ చేసిన ఈ వీడియో చూసి పలువురు నెటిజన్లు ఆమెకు కంగ్రాట్స్ చెబుతున్నారు. అయితే మీ పెళ్ళెప్పుడు జరిగింది మేడం? ఆ బిడ్డకు తండ్రి ఎవరు? అని అడిగేవారు మాత్రం చాలా మందే ఉన్నారు. ఏదేమైనా ఇలియానా ప్రెగ్నన్సీ ఇష్యూ ఇప్పుడు జనాల్లో తెగ చర్చనీయాంశం అయింది అని చెప్పాలి.
