ICC World Cup 2023 : భారత్ వేదికగా జరుగుతున్న ప్రపంచకప్‌లో క్రమంగా ఉత్కంఠ పెరుగుతూ పోతుంది. ఏ జట్లు సెమీస్‌కు చేరుతాయనే లెక్కలు ఊపందుకున్నాయి. కొన్ని జట్లు సెమీస్ రేసులో ముందుకు దూసుకుపోతుండగా… మరికొన్ని జట్లు మాత్రం చాలా వెనకపడ్డాయి. ప్రపంచకప్‌ ఆరంభంలోనే సెమీస్ బెర్తుల విషయమై వేడి రాజుకుంది. చివరికి ఎవరు ఆ నాలుగు బెర్తులను దక్కించుకుంటారో అన్న దానిపై అంద‌రిలో ఆస‌క్తి నెల‌కొంది. రేసులో ముందున్న జట్లకు కూడా ఎదురుదెబ్బలు తగిలితే మళ్లీ సెమీస్ రేసు సంక్లిష్టంగా మారనుంది. టీమిండియా, దక్షిణాఫ్రికా, న్యూజిలాండ్ సెమీస్ దిశగా దూసుకుపోతున్నాయి. మరోవైపు అంచనాలను తలకిందులు చేస్తూ డిఫెండింగ్ ఛాంపియన్ ఇంగ్లాండ్‌, అయిదుసార్లు ఛాంపియన్ ఆస్ట్రేలియా, దాయాది పాకిస్థాన్‌ సెమీస్ పోరులో కాస్త వెనకపడ్డాయి.
టోర్నీలో ఇప్పటికే ఆడిన నాలుగు మ్యాచులు గెలిచి ఊపు మీదున్న టీమిండియా, న్యూజిలాండ్ సెమీస్ చేరే అవకాశాలు గణనీయంగా ఉన్నాయి. రెండు మ్యాచుల్లో గెలిచిన దక్షిణాఫ్రికాకు ఆశలు ఉన్నాయి. ఈజట్లు మిగిలిన మ్యాచుల్లోనూ ఇలాగే రాణిస్తే సెమీస్ చేరడం కష్టం కాకపోవచ్చు. కానీ సెమీస్ చేరే ఆ మిగిలిన జట్టు ఏదా అన్న ప్రశ్న ఎదురవుతుంది. టీమిండియా, దక్షిణాఫ్రికా, న్యూజిలాండ్ సెమీస్ చేరితే నాలుగో స్థానం కోసం పోటీ తీవ్రమవుతుంది. అది దక్షిణాఫ్రికా మాత్రమే. ఆ మ్యాచ్‌లో ఓడిపోయినా కూడా టీమిండియా పెద్దగా నష్టపోవకపోవచ్చు. లీగ్ దశలో ఆడాల్సిన నాలుగు మ్యాచ్‌లల్లో రెండింట్లో నెగ్గినా భారత్ సెమీ ఫైనల్స్ అవకాశాలు సజీవంగానే ఉంటాయి.
ప్ర‌స్తుత సిట్యేయేష‌న్‌లో ఇండియా, న్యూజిలాండ్ ,సౌత్ ఆఫ్రికా మాత్రమే సెమీస్ బర్త్ కన్ ఫామ్ చేసుకునేలా కనిపిస్తున్నాయి.ఇక వాళ్ళ ఆట తీరు కూడా బాగుంది ఆ టీమ్ లో ఉన్న ప్లేయర్ల ఫామ్ కూడా చాలా అద్భుతంగా ఉండడంతో వాళ్ళు వరుస విజయాలను అందుకుంటూ ముందుకు దూసుకెళ్తున్నారు. అయితే మ‌రో మూడు రోజులు మ్యాచ్‌ల ప‌రిస్థితి చూస్తే నాలుగో టీంగా ఎవరు వ‌స్తారా అన్న‌ది అంద‌రిలో నెల‌కొంది.
