Laya : స్వయంవరం సినిమాతో తెలుగు ప్రేక్ష‌కుల‌కి ద‌గ్గ‌రైన అందాల ముద్దుగుమ్మ లయ. ఆంధ్రప్రదేశ్ విజయవాడకు చెందిన లయ వచ్చిన కొత్తలోనే మంచి నటిగా ఇండస్ట్రీలో గుర్తింపు అందుకుంది. అయితే పెళ్లి తర్వాత కెరీర్ కు ముగింపు కార్డు పెట్టిన లయ ఆ తర్వాత ఫ్యామిలీ లైఫ్ తో తన జీవితాన్ని కొనసాగిస్తోంది. అయితే లయ ఒక‌ప్పుడు మంచి మంచి సినిమాలే చేసింది. దాదాపు 50 కి పైగా స్టేజ్ షోలు చేసిన లయ బ్యాచిలర్ డిగ్రీ పూర్తి చేసిన అనంతరం సినిమా ఇండస్ట్రీలోకి అడుగు పెట్టింది.
1992లో భద్రం కొడుకో అనే సినిమా ద్వారా ఎంట్రీ ఇచ్చింది. ఆ తర్వాత వేణు తొట్టెంపూడితో చేసిన స్వయంవరం సినిమాతో మొదటి సక్సెస్ పొందింది. ఇక అక్క‌డ నుండి దూసుకుంటూ వెళ్లింది. మనసున్న మారాజు, కోదండరాముడు, దేవుళ్ళు, హనుమాన్ జంక్షన్, ప్రేమించు సినిమాలతో కూడా తెలుగు చిత్ర పరిశ్రమలో మంచి గుర్తింపు అందుకుంది. కొండవీటి సింహం, శివరామరాజు, నువ్వు లేక నేను లేను అనే సినిమాలతో కూడా మంచి సక్సెస్ అందుకుంది.
2006లో ఒక కన్నడ సినిమాలో నటించి ఆ తర్వాత చిత్ర పరిశ్రమకు దూర‌మైన లయ అమెరికాలో సెటిల్ అయింది. ప్ర‌స్తుతం వైవాహిక జీవితాన్ని ఎంజాయ్ చేస్తుండ‌గా ఆమె ఇటీవ‌ల సోషల్ మీడియాలో తెగ సంద‌డి చేస్తుంది. డ్యాన్స్ వీడియోలతోపాటు ఫ్యామిలీకి సంబంధించిన వీడియోల‌ను షేర్ చేస్తూ నెటిజ‌న్స్ ని సంతోష‌ప‌రుస్తుంది. రీసెంట్ గా లయ తన కూతురు శ్లోకకు సంబంధించిన ఒక ఫోటోను పోస్ట్ చేయడంతో సోషల్ మీడియాలో వైరల్ గా మారింది. అచ్చమైన తెలుగు అమ్మాయిలా లయ తన కూతురిని రెడీ చేసిన విధానం ప్ర‌తి ఒక్క‌రినీ ఆక‌ట్టుకుంటోంది. రానున్న రోజుల‌లో శ్లోక కూడా తెలుగు హీరోయిన్‌గా మార‌డం ఖాయం అంటున్నారు.
