Hanuman Public Talk : టాలీవుడ్ యంగ్ హీరో తేజ సజ్జ హీరోగా న‌టించిన లేటెస్ట్ సినిమా హనుమాన్. సంక్రాంతి కానుక‌గా వ‌చ్చిన ఈ సినిమా థియేటర్లలో మంచి టాక్‌నే సొంతం చేసుకుంది. ఈ సినిమాకు ప్ర‌శాంత్‌వ‌ర్మ ద‌ర్శ‌క‌త్వం వ‌హించారు. ఈ సినిమా జ‌న‌వ‌రి 12 న థియేటర్లలో విడుద‌లైంది. భారీ అంచ‌నాల మ‌ధ్య విడుద‌లయిన ఈ సినిమా ప్రేక్ష‌కుల్లో మంచి టాక్‌నే సొంతం చేసుకుంది. ఇక ఈ సినిమాకు మొద‌టిరోజు నుంచే పాజిటివ్ టాక్ రావ‌డంతో బొమ్మ బ్లాక్ బస్టర్ అని తెలుస్తుంది. అయితే ఈ చిత్రం మొదటి రోజు బాక్సాఫీస్ దగ్గర దుమ్ముదులిపేసింది. ప్రీమియ‌ర్ షోల‌తో విడుద‌ల‌కు ముందే అద‌ర‌గొట్టిన ఈ చిత్రం ఫస్ట్ డే భారీ ఓపెనింగ్స్‌ను రాబ‌ట్టింది.
‘హనుమాన్’ ఫస్ట్ డే కలెక్షన్స్ చూస్తే.. వ‌రల్డ్‌వైడ్‌గా రూ.21 కోట్లు వసూళ్లు రాబ‌ట్టిన‌ట్లు స‌మాచారం. ఇక గుంటూరు కారం ఎఫెక్ట్‌తో ఈ సినిమా ప‌రిమిత థియేటర్లలో విడుద‌ల కాగా సినిమాకు వ‌చ్చిన టాక్‌తో ఈ సంఖ్య మ‌రింత పెరిగే అవకాశం ఉంది. హనుమాన్ చిత్రాన్ని ప్రైమ్‌ షో ఎంటర్‌టైన్‌మెంట్‌ బ్యానర్‌పై కే నిరంజన్‌ రెడ్డి తెరకెక్కించ‌గా.. కోలీవుడ్ భామ అమృతా అయ్యర్‌ ఫీ మేల్ లీడ్ రోల్‌లో నటించింది. వరలక్ష్మి శరత్ కుమార్‌, వినయ్‌ రాయ్‌, రాజ్ దీపక్‌ శెట్టి, వెన్నెల కిశోర్‌ కీలక పాత్రలు పోషించారు. థియేట‌ర్‌లో చిత్రాన్ని చూసి ప్ర‌తి ఒక్క‌రు థ్రిల్ అవుతున్నారు. రియ‌ల్ హనుమాన్ ని చూసిన ఫీలింగ్‌తో ఈలలు వేస్తూ థియేట‌ర్‌లో ర‌చ్చ చేశారు.
ఆర్జీవీ సైతం హనుమాన్ దర్శకుడు ప్రశాంత్ వ‌ర్మ‌ను ప్ర‌శంస‌ల‌తో ముంచెత్తారు. కథా, కథనం, గ్రాఫిక్స్,ఎమోషన్స్,ఎలివేషన్స్ ఇలా ప్రతీ పాయింట్ లోనూ సినిమా నెక్స్ట్ లెవల్లో ఉందంటూ కామెంట్స్ చేయ‌డం మొద‌లుపెట్టారు. హనుమాన్ మూవీపై సంచ‌ల‌న దర్శకుడు రామ్‌గోపాల్‌వ‌ర్మ తన అభిప్రాయాన్ని సోష‌ల్‌మీడియా వేదిక‌గా నెటిజ‌న్స్‌తో పంచుకున్నారు. ముందుగా దర్శకుడు ప్రశాంత్ వర్మ, హీరో తేజ సజ్జకు నా అభినందనలు. హనుమాన్ సినిమా యునానిమస్ బ్లాక్ బస్టర్ హిట్ ను సొంతం చేసుకుంది.. జై హనుమాన్ రామ్‌గోపాల్‌వ‌ర్మ సోష‌ల్‌మీడియాలోని తన ఖాతాలో పోస్ట్ చేయ‌డం జ‌రిగింది. రామ్ గోపాల్ వర్మ పెట్టిన పోస్టుకు దర్శకుడు ప్రశాంత్ వర్మ స్పందించారు. థ్యాంక్యూ సర్.. అంటూ రిప్లయ్ ఇచ్చాడు.
