Hansika : యాపిల్ బ్యూటీ హన్సిక ఎట్ట‌కేల‌కు వైవాహిక జీవితంలోకి అడుగుపెట్టింది.హన్సిక మోత్వానీ వివాహం వ్యాపారవేత్త సొహైల్ కతూరియాతో ఆదివారం రాత్రి ఘనంగా జరిగింది. రాజస్థాన్‌ జైపూర్‌లోని ఓ కోటలో సింధీ సంప్రదాయం ప్రకారం వీరు వివాహం జ‌ర‌గ‌గా, పెళ్లి వేడుక‌లో పలువురు సినీ, రాజకీయ రంగ ప్రముఖులు సందడి చేశారు. గత వారం నుంచే హన్సిక పెళ్లి సందడి మొదలు కాగా, శుక్రవారం సూఫీ నైట్‌ వేడుకను ఘనంగా జరిపారు. ప్రీ వెడ్డింగ్‌ వేడుకల్లో భాగంగా వధూవరులు పలు పాటలకు డ్యాన్సులు చేసి సందడి చేశారు. వివాహ వేడుకకు సంబంధించిన ఫొటోలు, వీడియోలు ప్రస్తుతం నెట్టింట వైరల్ అవుతున్నాయి.
సింధి సంప్రదాయంలో జరిగిన పెళ్లిలో, కుటుంబసభ్యులు, సన్నిహితులు తెగ హంగామా చేశారు. కాగా.. సొహైల్ కు రెండో వివాహం కావడం గమనార్హం. హన్సిక స్నేహితురాలితోనే ఆయనకు తొలి వివాహం అయింది. కొన్ని కారణాల వల్ల వీరు విడిపోయారు. ఆ తర్వాత హన్సిక, సొహైల్ మధ్య ప్రేమాయణం సాగింది. ఈ క్రమంలోనే పెళ్లి పీలెక్కారు. తెలుగు, తమిళంలో హన్సిక ఎక్కువ సినిమాలు చేశారు. ఇటీవలే ఆమె 50వ సినిమా విడుదలయింది.
హీరో హీరో శింబుతో హన్సిక డేటింగ్‌లో ఉందంటూ గతంలో అనేక వార్తలు వచ్చాయి. ఇద్ద‌రు క‌లిసి చాలా సార్లు కెమెరా కంటికి చిక్కారు ఏమైందో ఏమో కాని శింబుతో విడిపోయిన హన్సిక సోహైల్‌ని వివాహం చేసుకుంది. చాలా కాలంగా వీరిద్దరి మధ్య మంచి పరిచయం ఉందని, అతను తనబిజినెస్‌ పార్టనర్‌ అని తెలుస్తుంది. ఈ క్రమంలోనే అతనితో పరిచయం మరింత పెరిగి, అది మ్యారేజ్‌ వరకు వెళ్లిందని టాక్ కూడా ఉంది.. ఆ మధ్య ఈఫిల్ టవర్‌ ఎదురుగా హన్సికకి సోహైల్‌ ప్రపోజ్‌ చేసిన విషయం తెలిసిందే. కాగా హన్సిక ప్రస్తుతం తెలుగు, త‌మిళ సినిమాల‌తో బిజీగా ఉంది.
