Guntur Kaaram Public Talk : గుంటూరు కారం ప‌బ్లిక్ టాక్.. త్రివిక్ర‌మ్ న‌మ్మించి మోసం చేశాడుగా..?

Guntur Kaaram Public Talk : సూప‌ర్ స్టార్ మ‌హేష్ బాబు, శ్రీలీల‌, మీనాక్షి ప్ర‌ధాన పాత్ర‌ల‌లో రూపొందిన చిత్రం గుంటూరు కారం. సంక్రాంతి బరిలో మహేష్ బాబు సినిమా అంటే పందెంకోడి కాలుకి కత్తి కట్టినట్టే. బాబుగారి బొమ్మపడిందంటే బాక్సాఫీస్ పందెం కొట్టినట్టే. అందులోనూ.. గురూజీ, మహేష్‌జీలది ప్రామిసింగ్ ప్రాజెక్ట్ కాబ‌ట్టి గుంటూరు కారం సినిమాపై భారీ అంచ‌నాలు నెల‌కొన్నాయి. ఈ రోజు సినిమా ప్ర‌పంచ వ్యాప్తంగా విడుద‌ల కాగా, అన్ని వ‌ర్గాల ప్రేక్ష‌కులు మూవీ చూసేందుకు ఆస‌క్తి చూపారు. హైదరాబాద్ ఆర్టీసీ క్రాస్ రోడ్డులోని సుదర్శన్ 35m ఎంఎం థియేటర్లో టాలీవుడ్ సూపర్ స్టార్ మహేష్ బాబు కుటుంబ సభ్యులు నమ్రతాశిరోద్కర్, గౌతమ్ మరికొందరు కలిసి సినిమా చూశారు. ప్రిన్స్ మహేష్ ఫ్యామిలీ గుంటూరు కారం మూవీ చూస్తున్న ఫోటోలు సోషల్ మీడియాలో వైరల్ అవుతున్నాయి.

మహేష్ బాబు ఫ్యామిలీతో పాటు డైరెక్టర్ త్రివిక్రమ్ శ్రీనివాస్, వంశీ పైడిపల్లితో పాటు మరికొందరు చిత్ర యూనిట్ ఈసినిమాను అభిమానుల మధ్యలో కూర్చొని చూశారు. అయితే గుంటూరు కారం బినిఫిట్ షో తర్వాత హిట్ టాక్ సొంతం చేసుకుంది.చాలా రోజుల తర్వాత మహేష్ ఊర మాస్ పాత్రలో నటించడంతో అభిమానులు థియేటర్లలో ఫైట్స్, డైలాగ్స్ కి ఈలలు వేస్తూ కేరింతలతో థియేటర్లు దద్దరిల్లేలా అరుస్తూ సందడి చేస్తున్నారు. ఇక థియేటర్ పై రివ్యూలు కూడా సూపర్ డూపర్ హిట్ అని రేటింగ్ ఇచ్చాయి. అయితే కొంద‌రు ఫ్యాన్స్ కూడా త్రివిక్ర‌మ్ పై ఘోర‌మైన విమ‌ర్శ‌లు చేస్తున్నారు.

గుంటూరు కారం’లో మహేష్ బాబు మెప్పించాడు.. త్రివిక్రమ్ నిరాశపరిచాడు. ‘గుంటూరు కారం’లో కథకి కావాల్సిన మమకారం లేదు.. అనుకున్నంత ఘాటూలేదు. ఫ్యాన్స్ వరకూ కుర్చీ మడతపెట్టొచ్చు.. కలెక్షన్లకు కొదువేం ఉండదు.. బట్ భారీ అంచనాలతో వెళ్తే మాత్రం నిరాశ తప్పదు అని ఫ్యాన్స్ కాస్త నిరుత్సాహంగానే చెబుతున్నారు.త్రివిక్ర‌మ్ కొంత ఘాటు పెంచి ఉంటే మాత్రం సినిమా సూప‌ర్ డూప‌ర్ హిట్ అయ్యేద‌ని కొంద‌రి మాట‌.దిల్ రాజు కూడా మూవీపై భారీ హైప్ పెంచాడు. కాని అనుకున్నంత‌గా సినిమా లేద‌ని కొంద‌రి మాట‌.