Gopichand : యాంకర్ సుమ ఇప్ప‌టికీ త‌న‌దైన శైలిలో యాంక‌రింగ్ చేస్తూ ప్రేక్ష‌కుల‌ని ఎంత‌గానో అల‌రిస్తూ వ‌స్తుంది. ఎంత మంది కొత్త యాంక‌ర్స్ వ‌చ్చిన కూడా సుమని ఎవ‌రు బీట్ చేయ‌లేక‌పోతున్నారు. ఆమె షోలోకి మంచి టీఆర్పీ కూడా ల‌భిస్తుంది. ప్ర‌స్తుతం సుమ.. సుమ అడ్డా అనే పేరుతో ఒక టీవీ షో చేస్తుండ‌గా, ఈ షోకి అనేక మంది సినీ ప్ర‌ముఖులు హాజ‌రై తమ మూవీని ప్ర‌మోష‌న్ చేసుకుంటూనే ఫుల్ ఎంట‌ర్‌టైన్‌మెంట్ అందిస్తున్నారు.తాజాగా యాక్షన్ హీరో గోపీచంద్ నటించిన లేటెస్ట్ మూవీ రామబాణం టీం కూడా హాజ‌రైంది.
ఫ్యామిలీ అండ్ యాక్షన్ ఎంటర్టైనర్ గా తెరకెక్కిన ఈ చిత్రం మే 5న గ్రాండ్ రిలీజ్ కి రెడీ అవుతుండ‌గా, ఈ చిత్రాన్ని లౌక్యం, లక్ష్యం ఫేమ్ శ్రీవాస్ తెరకెక్కించాడు. సూపర్ హిట్ కాంబినేషన్ లో వస్తున్న చిత్రం కావడంతో మంచి అంచనాలు ఉన్నాయి. రిలీజ్ డేట్ ద‌గ్గ‌ర ప‌డుతుండ‌డంతో రామబాణం ప్రచార కార్యక్రమాల్లో స్పీడ్ పెంచారు. ఇందులో భాగంగా చిత్ర యూనిట్ యాంకర్ సుమ హోస్ట్ గా చేస్తున్న సుమ అడ్డా షోలో పాల్గొన్నారు. శ్రీవాస్, గోపీచంద్, హీరోయిన్ డింపుల్ హయతి సుమ అడ్డా షో లో తెగ సంద‌డి చేశారు. ఇందుకు సంబంధించిన ప్రోమో రీసెంట్‌గా విడుద‌లైంది.
ఇందులో గోపీచంద్ సుమపై సెటైర్లు వేస్తూ ఆకట్టుకున్నారు. మీరు హీరోయిన్ అయితే ఆ సినిమాలో నేను విలన్ గానే చేస్తా అంటూ గోపీచంద్ సుమని ఆటపట్టిస్తూ నవ్వించారు. భర్త ఇంటికి ఆలస్యంగా వస్తే భార్య అలుగుతుంది అని సుమ చెప్పడంతో.. షోలన్నీ పూర్తి చేసుకుని మీరే రోజు ఇంటికి లేటుగా వెళతారు అంటూ మరోసారి గోపీచంద్ సుమపై సెటైర్ వేశారు. ఇక సుమ రామబాణం చిత్ర యూనిట్ తో ఓ మనీ గేమ్ కూడా ఆడించింది. గేమ్ ఆడుతూ ఆడుతూ మధ్యలో గోపీచంద్ వైల్డ్ గా బిహేవ్ చేసి అందరికి షాక్ ఇచ్చారు. గోపిచంద్ ఒక్కసారిగా సుమ గొంతు పట్టుకోవ‌డంతో అక్కడున్నవారంతా షాక్ కి గురయ్యారు. సుమ అయితే భయంతో బిగుసుకుపోయింది. దీనిపై పూర్తి క్లారిటీ రావాలంటే ఎపిసోడ్ ఏప్రిల్ 29న ప్రసారం కానున్న ఫుల్ ఎపిసోడ్ కోసం వేచి చూడాల్సిందే.
