Godfather Movie : ఆచార్య ఫ్లాప్ తర్వాత మెగాస్టార్‌కి కాస్త రిలీఫ్ ఇచ్చిన చిత్రం గాడ్ ఫాదర్. మలయాళంలో సూపర్ హిట్ గా నిలిచిన లూసిఫర్ అనే సినిమా అని తెలుగులో గాడ్ ఫాదర్ పేరుతో రీమేక్ చేశారు. ఈ సినిమాని మోహన్ రాజా డైరెక్ట్ చేయగా రామ్ చరణ్, ఎన్వి ప్రసాద్, ఆర్బి చౌదరి ఈ సినిమాను కొణిదల ప్రొడక్షన్స్, సూపర్ గుడ్ ఫిలిమ్స్ బ్యానర్ల మీద సంయుక్తంగా నిర్మించారు. ఇందులో న‌య‌న‌తార , స‌త్య‌దేవ్‌, స‌ల్మాన్ ఖాన్ ప్ర‌ధాన పాత్ర‌లు పోషించ‌డంతో మూవీపై అంచ‌నాలు భారీగా పెరిగాయి. ఇక టీజ‌ర్, ట్రైల‌ర్ రిలీజ్ తర్వాత సినిమాపై అంచ‌నాలు మ‌రింత పెరిగాయి.
ఇక సినిమా విడుదలైన తర్వాత సినిమాకి మంచి రెస్పాన్స్ అయితే దక్కింది. కానీ అనూహ్యంగా కలెక్షన్ల విషయంలో మాత్రం ఈ సినిమా వెనుకబడింది. అయితేఈ సినిమా ఎప్పుడు ఓటీటీలోకి వ‌స్తుందా అని ఎదురు చూస్తున్న సమయంలో ఓ వార్త హ‌ల్‌చ‌ల్ చేస్తుంది. ఈ సినిమాని నెట్ ఫ్లిక్స్ సంస్థ సుమారు 56 కోట్ల రూపాయలకి దక్కించుకున్నట్లు గతంలో ప్రచారం జరిగింది. ఇక తాజాగా అందుతున్న సమాచారం మేరకు ఈ సినిమా ఓటీటీ స్ట్రీమింగ్ డేట్ ఫిక్స్ అయింది.నవంబర్ 19వ తేదీ నుంచి ఈ సినిమా నెట్ ఫ్లిక్స్ వేదికగా ప్రేక్షకులందరికీ అందుబాటులోకి రానున్నట్లు తెలుస్తోంది.
అతి త్వ‌ర‌లోనే దీనికి సంబంధించిన అధికారిక ప్రకటన రానుంద‌ని అంటున్నారు. సినిమా విడుదలైన సమయంలో ఓటీటీకి విధించిన ఎనిమిది వారాల గడువు పూర్తయిందని వీలైనంత త్వరగా ప్రేక్షకుల ముందుకు తీసుకువచ్చి మెగాస్టార్ క్రేజ్ క్యాష్ చేసుకోవాలని నెట్ ఫ్లిక్స్ సంస్థ భావిస్తోందని తెలుస్తోంది. ఇక ఈ చిత్రంకి థమన్ సంగీతం అందివ్వగా ఆయ‌న మ్యూజిక్‌కి కూడా మంచి రెస్పాన్స్ వ‌చ్చింది. ఈ సినిమాలో చిరంజీవి తనకు అచ్చొన్చిన ఖైదీ పాత్రలో అదరగొట్టారు. గతంలో వచ్చిన ‘ఖైదీ, ‘ఖైదీ నంబర్ 786’, గ్యాంగ్ లీడర్, రౌడీ అల్లుడు, అల్లుడా మజాకా, ఖైదీ నంబర్ 150 సినిమాలు సక్సెస్ అయ్యాయి. అదే కోవలో ఖైదీ గెటప్‌లో చిరంజీవి న‌టించిన ఈ సినిమా సెంటిమెంట్ ప్రకారం హిట్ అయింది.
