Godfather Movie First Review : మెగాస్టార్ చిరంజీవి ఆచార్య తరువాత మళ్లీ గాఢ్ ఫాదర్ సినిమాతో ప్రేక్షకుల ముందుకు రాబోతున్నారు. ఆయన నటించిన గాడ్ ఫాదర్ మూవీ దసరా కానుకగా అక్టోబర్ 5వ తేదీన రిలీజ్ కానుంది. భారీ ఎత్తున ఈ మూవీని రిలీజ్ చేసేందుకు మేకర్స్ ప్లాన్ చేస్తున్నారు. ఇందులో బాలీవుడ్ కండల వీరుడు సల్మాన్ ఖాన్ ముఖ్య పాత్రలో నటించారు. దీంతో సినిమాపై అటు ప్రేక్షకులతోపాటు ఇటు ఫ్యాన్స్లోనూ భారీగా అంచనాలు నెలకొన్నాయి. ఈ క్రమంలోనే గాఢ్ ఫాదర్ మూవీ కోసం ప్రేక్షకులు అందరూ ఎంతో ఆసక్తిగా ఎదురు చూస్తున్నారు. తాజాగా ఈ మూవీ నుంచి రిలీజ్ అయిన తార్ మార్ అనే పాట ఎంతగానో ఆకట్టుకుంటోంది.
పొలిటికల్ డ్రామా యాక్షన్ నేపథ్యంలో తెరకెక్కిన చిత్రమిది. మళయాళంలో హిట్ అయిన లూసిఫర్ చిత్రానికి రీమేక్గా ఈ మూవీని తెరకెక్కిస్తున్నారు. ఇప్పటికే లూసిఫర్ చిత్రం తెలుగులోనూ వచ్చింది. కనుక కథ అందరికీ ముందుగానే తెలుసు. అయితే దీన్ని మన తెలుగు నేటివిటీకి తగినట్లు తెరకెక్కించారు. మరోవైపు చిరంజీవి, సల్మాన్ ఖాన్, నయనతార వంటి స్టార్ నటీనటులు ఉండడంతో గాడ్ ఫాదర్పై అంచనాలు రోజు రోజుకీ పెరిగిపోతున్నాయి. ఇక ఈ మూవీకి గాను తాజాగా సెన్సార్ బోర్డు నుంచి యు/ఎ సర్టిఫికెట్ లభించింది. ఈ మూవీ సెన్సార్ను పూర్తి చేసుకుంది. ఈ క్రమంలో ఫస్ట్ రివ్యూ కూడా వచ్చేసింది.
ఈ మూవీని చూసిన వారి సమాచారం ప్రకారం.. సినిమా బ్లాక్ బస్టర్ హిట్ అవుతుందని అంటున్నారు. పొలిటికల్ డ్రామాగా ఎంతగానో ఆకట్టుకుంటుందని.. ముఖ్యంగా ఇందులో మెగాస్టార్ తన నటన, డైలాగ్స్ తో అందరినీ కట్టిపడేస్తారని అంటున్నారు. అలాగే సల్మాన్ యాక్టింగ్ కూడా సూపర్బ్ అని అంటున్నారు. ఇక ఇదే విషయాన్ని దర్శకుడు మోహన్ రాజా కూడా తెలియజేశారు. ఈ మూవీ రిలీజ్ కోసం తాను కూడా ఎంతో ఉత్కంఠగా ఎదురు చూస్తున్నట్లు తెలిపారు. ఈ మేరకు ఆయన ట్వీట్ చేశారు. అయితే మూవీ రిలీజ్ దగ్గరపడుతున్నా దీనిపై బజ్ లేదు. మరో వైపు ప్రమోషన్స్ కూడా మొదలు పెట్టలేదు. ఇదే మెగా ఫ్యాన్స్ను కలవరపెడుతోంది. మరి ఆచార్య తరువాత రిలీజ్ అవుతున్న ఈ మూవీ అయినా హిట్ కొడుతుందా.. లేదా.. అన్నది మరి కొద్ది రోజులు వేచి చూస్తే తెలుస్తుంది.
