Gangotri Child Artist Kavya : అల్లు అర్జున్ డెబ్యూ మూవీ గంగోత్రి చిత్రం మంచి ప్రేక్ష‌కాద‌ర‌ణ పొందిన విష‌యం తెలిసిందే. ఈ సినిమా బ‌న్నీకి డెబ్యూ అయినా కూడా చాలా బాగా న‌టించాడు. దర్శకేంద్రుడు రాఘవేంద్రరావు 100వ సినిమా కూడా ఇదే కాగా ఇందులోని కీరవాణి పాటలు.. అదితి అగర్వాల్ గ్లామర్ సినిమాను స‌క్సెస్ అయ్యేలా చేశాయి. ఈ సినిమా పాటలలో వల్లంకి పిట్ట పాట ఇప్పటికీ అప్పుడప్పుడూ వినిపిస్తూనే ఉంటుంది. ఈ పాట వింటే సంగీత ప్రియులు అలా మైమ‌ర‌చిపోతుంటారు.
ఈ పాట‌లో చైల్డ్ ఆర్టిస్ట్గా నటించిన చిన్నారి కావ్య క్యూట్ క్యూట్ ఎక్స్ ప్రెషన్స్ తో ఆడియన్స్ ను ఆకట్టుకుంది. గంగోత్రి సినిమా సమయంలో కావ్యకు నాలుగేళ్లు మాత్రమే. చిన్న వయసులోనే అద్భుతమైన నటనతో గుర్తింపు తెచ్చుకుంది కావ్య. గంగోత్రి తర్వాత కావ్యకు తెలుగులో చాలా సినిమా ఆఫర్స్ వచ్చాయి. పవన్ కళ్యాణ్, శ్రియా జంటగా నటించిన బాలు సినిమాలో కూడా బాల న‌టిగా అల‌రించింది. అనంత‌రం అందమైన మనసు, అడవి రాముడు, విజయేంద్ర వర్మ వంటి సినిమాల్లో కనిపించింది. దాదాపు 12 చిత్రాల్లో బాలనటిగా నటనతో మెప్పించిన కావ్య స్ట‌డీస్ వ‌ల‌న న‌ట‌న‌కు బ్రేక్ ఇచ్చింది.
లా పూర్తి చేసి లాయర్గా కొనసాగుతున్న కావ్యకు ఇప్పటికీ నటనపై ఆసక్తి ఉందని తెలుస్తోంది. ఇప్పుడిప్పుడే సినిమాల్లో తన అదృష్టాన్ని పరీక్షించుకోవడానికి ట్రై చేస్తుంది. మసూద చిత్రంతో కావ్య హీరోయిన్ గా మారబోతుంది. ఇటీవల విడుదలైన పెళ్లి సందD చిత్రంలో హీరోయిన్ గా కావ్యను అనుకున్నారట. ఆమెకు అనుకోకుండా అవకాశం చేజారినట్లు తెలుస్తుంది. కావ్య‌లో హీరోయిన్ క్వాలిటీస్ పుష్క‌లంగా ఉన్నాయి. అదృష్టం ఉంటే ఈ అమ్మ‌డికి అల్లు అర్జున్ ప‌క్క‌న హీరోయిన్ గా న‌టించే అవకాశం ద‌క్కినా ఆశ్చ‌ర్య‌పోన‌క్క‌ర్లేదు.
