అధిక బ‌రువు తగ్గాలంటే.. ఈ సూచ‌న‌ల‌ను త‌ప్ప‌క పాటించాలి..!

అధిక బ‌రువు స‌మ‌స్య ప్ర‌స్తుతం చాలా మందిని ఇబ్బందుల‌కు గురి చేస్తోంది. దీని బారి నుంచి బ‌య‌ట ప‌డేందుకు చాలా మంది ర‌క‌ర‌కాల ప్ర‌య‌త్నాలు చేస్తున్నారు. జిమ్‌లు చేయ‌డం, యోగా, వాకింగ్‌, ఇత‌ర వ్యాయామాలు చేయ‌డం.. డైటింగ్‌.. వంటివి పాటిస్తున్నారు. అయితే వీటితోపాటు కింద తెలిపిన సూచ‌న‌ల‌ను కూడా పాటించాలి. అప్పుడే బ‌రువు త్వ‌ర‌గా త‌గ్గ‌గలుగుతారు. మ‌రి ఆ సూచ‌న‌లు ఏమిటో ఇప్పుడు తెలుసుకుందామా..!

అధిక బ‌రువును త‌గ్గించుకునేందుకు నిత్యం అన్ని ర‌కాల పోష‌కాలు అందేలా చూసుకోవాలి. కొన్ని సార్లు పోష‌కాహార లోపం వ‌ల్ల కూడా బ‌రువు పెరిగేందుకు అవ‌కాశం ఉంటుంది. క‌నుక నిత్యం త‌క్కువ మొత్తంలో ఆహారాన్ని తీసుకోవడం మాత్ర‌మే కాదు, అందులో అన్ని పోష‌కాలు ఉండేలా జాగ్ర‌త్త వ‌హించాలి. దీంతో అధిక బ‌రువు త‌గ్గేందుకు అవ‌కాశం ఉంటుంది.

నిత్యం మ‌నం తినే ఆహారంలో రెండు ర‌కాల ప‌దార్థాలు ఉండేలా చూసుకోవాలి. ఒక‌టి స్థూల పోష‌కాలు. రెండోది సూక్ష్మ పోష‌కాలు. పిండి ప‌దార్థాలు, ప్రోటీన్లు, కొవ్వులు స్థూల పోష‌కాల జాబితా కింద‌కు చెందుతాయి. విట‌మిన్లు, మిన‌ర‌ల్స్, ఇత‌ర పోష‌కాలు సూక్ష్మ పోష‌కాల జాబితా కింద‌కు వ‌స్తాయి. స్థూల పోష‌కాల‌ను నిత్యం ఎక్కువ మొత్తంలో తీసుకోవాలి. ముఖ్యంగా మ‌నం తినే ఆహారంలో ప్రోటీన్లు ఎక్కువ‌గా ఉండాలి. త‌రువాత పిండి ప‌దార్థాల‌ను తినాలి. కొద్ది మొత్తంలో కొవ్వు ప‌దార్థాల‌ను తీసుకోవాలి. దీంతో శ‌రీరానికి అన్ని ర‌కాల ప‌దార్థాలు అందుతాయి. ఫ‌లితంగా మెట‌బాలిజం మెరుగు ప‌డి కొవ్వు క‌రిగేందుకు, అధిక బ‌రువు త‌గ్గేందుకు అవ‌కాశం ఉంటుంది.

నిత్యం మ‌నం తినే ఆహారంలో ఫైబ‌ర్ కూడా ఉండేలా చూసుకోవాలి. ఫైబ‌ర్ వ‌ల్ల ఆక‌లి నియంత్ర‌ణ‌లో ఉంటుంది. ఎక్కువ సేపు ఉన్నా ఆక‌లి వేయ‌దు. పైగా ఆహారం కూడా త‌క్కువ‌గా తీసుకుంటారు. దీంతో శ‌రీరానికి అందే క్యాల‌రీల సంఖ్య త‌గ్గుతుంది. ఫ‌లితంగా అధిక బ‌రువు త‌గ్గేందుకు అవ‌కాశం ఉంటుంది. ప్రాసెస్ చేయ‌బ‌డిన ఆహారాలు, ప్యాక్ చేయ‌బ‌డిన ప‌దార్థాలు, చ‌క్కెర‌, కొవ్వులు, ఉప్పు ఎక్కువ‌గా ఉండే ప‌దార్థాలు, ఇత‌ర జంక్ ఫుడ్‌ల‌ను తిన‌డం మానేయాలి. ఇవి బ‌రువును త‌గ్గించ‌క‌పోగా అధిక బ‌రువును పెంచేందుకు తోడ్పడుతాయి. క‌నుక వీటిని పూర్తిగా మానేయ‌డం వ‌ల్ల అధిక బ‌రువు త‌గ్గేందుకు అవ‌కాశం ఉంటుంది. అలాగే మ‌ద్యం సేవించ‌డం, పొగ తాగ‌డం వ‌ల్ల కూడా అధిక బ‌రువు పెరుగుతారు. క‌నుక వీటిని మానేస్తే అధిక బ‌రువు త‌గ్గుతారు. ఇలా ప‌లు సూచ‌న‌లు పాటిస్తూ స‌రిగ్గా వ్యాయామం చేస్తే త‌ప్ప‌క బ‌రువు త‌గ్గుతారు. దీంతో అన్ని విధాలుగా ఆరోగ్యంగా ఉంటారు.