యంగ్ డైరెక్టర్ అనుదీప్ కేవీ తెరకెక్కించిన జాతిరత్నాలు సినిమాతో టాలీవుడ్ కి పరిచయమైంది ఫరియా అబ్దుల్లా. ఈ మూవీతో తనదైన కామెడీ టైమింగ్తోనే కాకుండా హైట్ పరంగానూ స్పెషల్ అట్రాక్షన్ గా నిలిచింది. ఇటీవల బంగార్రాజు మూవీతో వెండితెరపై అలరించిన ఈ బ్యూటీ.. ఇప్పుడు లైక్ షేర్ అండ్ సబ్స్క్రైబ్ సినిమాతో మరోసారి థియేటర్లలో సందడి చేయనుంది. ఈ మూవీ నవంబర్ 4న విడుదల కానుంది. ఈ సినిమా ప్రమోషనల్లో భాగంగా ఇటీవల అలీతో సరదాగా కార్యక్రమంలో పాల్గొన్న ఫరియా.. తన కెరీర్, వ్యక్తిగత విషయాలను పంచుకున్నారు.
ఫరియా అబ్దుల్లా కెరీర్ గురించి సరదా ప్రశ్నలు వేసిన అలీ.. జాతిరత్నాలు షూటింగ్ టైమ్‌లో ఆ మూవీ డైరెక్టర్ అనుదీప్ కొట్టడంపై ప్రశ్నించాడు. కానీ ఆ ప్రశ్నకి ఫరియా ఎలాంటి తడబాటు లేకుండా ఏం సమాధానం చెప్పిదంటే.. జాతిరత్నాలు షూటింగ్ టైమ్‌లో అది ఏదో సరదాగా జరిగింది. అనుదీప్‌కి ఒక అలవాటు ఉంది. ఆయన జోక్స్ వేసినప్పుడు నవ్వుతూ వెంటనే పక్కన ఉన్న వాళ్లని సరదాగా కొడుతుంటాడు. ఆ రోజు నేను ఉన్నా.. నన్ను చేత్తో అలా అన్నారు అంతే..! అని వెల్లడించింది.
చివరిగా తనకి ఎస్‌ఎస్ రాజమౌళి దర్శకత్వంలో నటించాలని ఉందని ఫరియా అబ్దుల్లా మనసులో మాటను బయట పెట్టింది. హైదరాబాద్లో పుట్టి పెరిగినా.. ఫరియా కుటుంబం ప్రస్తుతం దుబాయ్ లో ఉంటున్నారు. ప్రస్తుతం ఆమె చేతిలో 4 సినిమాలు ఉన్నాయట. ఓ వైపు సినిమాలు చేస్తూనే.. మరోవైపు ఓటీటీలోనూ సందడి చేస్తుంది. ప్రస్తుతం ఫరియా నటిస్తోన్న లైక్ షేర్ సబ్ స్క్రైబ్ చిత్రంలో యంగ్ హీరో సంతోష్ శోభన్ హీరోగా నటిస్తుండగా.. డైరెక్టర్ గాంధీ మేర్లపాక తెరకెక్కించారు.
