Samantha : టాలీవుడ్ స్టార్ హీరోయిన్ స‌మంత రీసెంట్‌గా ఖుషి సినిమాతో ప్రేక్ష‌కుల ముందుకు వ‌చ్చిన విష‌యం తెలిసిందే. ఇందులో విజయ్ దేవ‌ర‌కొండ ప్ర‌ధాన పాత్ర పోషించాడు. సెప్టెంబ‌ర్ 1న విడుదలైన ఈ చిత్రం మంచి ఆద‌ర‌ణ దక్కించుకుంది. తెలుగు రాష్ట్రాల్లోనే కాకుండా.. అమెరికాలోను కేక పెట్టిస్తోంది. అక్కడ జస్ట్ ప్రీమియర్స్‌తోనే ఈ సినిమా 4 లక్షల డాలర్స్‌ని అందుకుంది. అంతేకాదు ఫస్ట్ డేతో కలుపుకుని.. ఏకంగా ఎనిమిది లక్షల ఏడు లక్షల డాలర్స్‌ను రాబట్టి.. వన్ మిలియన్‌కు చేరువలో ఉంది. ఇక ప్రపంచవ్యాప్తంగా ఫస్ట్ డే 26.85 కోట్ల గ్రాస్ వచ్చింది. కాస్త ఎక్కువ ర‌న్ టైమ్‌తో వ‌చ్చిన ఈ సినిమాలో కొన్ని ల్యాగ్స్ ఎక్కువ‌గా ఉండ‌డంతో సినిమాపై తీవ్ర‌మైన విమ‌ర్శ‌లు వ‌చ్చాయి.
సినిమాకి పాజిటివ్ టాక్ వ‌చ్చిన‌ప్ప‌టికీ మూవీపై కొంద‌రు తీవ్ర‌మైన విమ‌ర్శ‌లు చేస్తున్నారు. తాజాగా ఓ సినీ ప్రియుడు స‌మంత‌పై దారుణ‌మైన విమ‌ర్శ‌లు చేస్తున్నాడు. స‌మంత పెళ్లికి ముందు ల‌వ్ అంది, ఆ త‌ర్వాత పెళ్లిచేసుకుంది. విడాకులు ఇచ్చాక మ‌రొక‌డితో ఎఫైర్. ఇక సినిమాల‌లో లిప్ కిస్ లు , చాలా దారుణ‌మైన ర‌చ్చ చేస్తున్నావ్.. నువ్వు స‌మాజానికి ఏం మెసేజ్ ఇవ్వాల‌ని అనుకుంటున్నావ్ అని ఆగ్ర‌హం వ్య‌క్తం చేశాడు. స‌మంత‌కి మంచి స‌క్సెస్ వ‌చ్చినా కూడా ఆమెపై నెగెటివ్ కామెంట్స్ రావ‌డం స‌మంత ఫ్యాన్స్‌కి ఆందోళ‌న క‌లిగిస్తుంది.
ఇక ఈ సినిమా ఓటీటీ విషయానికి వస్తే.. ఖుషి సినిమా ఓటీటీ హక్కులను దిగ్గజ స్ట్రీమింగ్ సంస్థ నెట్ ఫ్లిక్స్ దక్కించుకుంది. తెలుగుతో పాటు అన్ని భాషల్లో ఈ సినిమా స్ట్రీమింగ్ హక్కులను నెట్ ఫ్లిక్స్ భారీ ధరకు దక్కించుకుంది. ఇక ఈ సినిమా విడుదలైన ఎనిమిది వారాలకు ఓటీటీలో స్ట్రీమింగ్‌కు రానుంది. ఇక ప్రమోషన్స్‌లో భాగంగా విడుదలైన పాటలు మంచి రెస్పాన్స్‌ను దక్కించుకున్నాయి. హిషామ్ అబ్దుల్ వాహబ్ సంగీతం అందిస్తున్నారు. ఈ సినిమాలో విజయ్, సమంతతో పాటు ఇతర కీలకపాత్రల్లో జయరామ్, సచిన్ ఖడేకర్, అలీ, వెన్నెల కిషోర్, రాహుల్ రామకృష్ణ తదితరులు నటిస్తున్నారు.
