సూపర్ స్టార్ మహేష్ బాబు సూపర్ హిట్ చిత్రాల‌లో ఒక్కడు ఒక‌టి. ఈ మూవీ ఎంత పెద్ద హిట్ సాధించిందో ప్ర‌త్యేకంగా చెప్ప‌న‌క్క‌ర్లేదు. 2003వ సంవత్సరంలో సంక్రాంతి పండుగకు రిలీజ్ అయిన “ఒక్కడు” సినిమా టాలీవుడ్ ఇండస్ట్రీలో సంచలనం సృష్టించింది. గుణశేఖర్ దర్శకత్వంలో మహేష్ బాబు నటించిన ఈ సినిమా.. మహేష్ కెరియర్ లోనే మొట్టమొదటి బ్లాక్ బస్టర్ సినిమాగా నిలిచింది. అయితే ఈ సినిమాలో ప్రకాష్ రాజ్ నటించిన ఓబుల్ రెడ్డి పాత్ర.. గోపీచంద్ చేయాల్సింద అట. ఆ పాత్రని మొదట గుణశేఖర్ .. మొదట ప్రకాష్ రాజ్ నీ సంప్రదించగా ఆయన డేట్స్ కేటాయించకపోవడంతో.. ఆ తర్వాత గుణశేఖర్ ఆ పాత్ర గురించి గోపీచంద్ కి తెలిపారట.
అయితే గోపిచంద్ ఓకే సినప్పటికీ.. అదే టైంలో ప్రకాష్ రాజ్ డేట్స్ సర్దుబాటు చేయడంతో.. “ఒక్కడు” సినిమా మిస్ అయినట్లు ఇటీవ‌ల ఓ ఇంట‌ర్వ్యూలో గోపీచంద్ తెలియజేశారు. అలానే తన కెరీర్లో ఫస్ట్ హిట్ “యజ్ఞం” సినిమాకి మొదట నేను కాదు హీరో అంటూ గోపీచంద్ సంచలన వ్యాఖ్యలు చేశారు. “యజ్ఞం” స్టోరీని మొదట ప్రభాస్ కి వినిపించారు.. ఆయన రిజెక్ట్ చేయడం , ఆ తర్వాత కళ్యాణ్ రామ్ కి వినిపించ‌డం ఆయన కూడా రిజెక్ట్ చేయడం జరిగింది. ఆ టైంలో.. బాబాయ్ పోకూరి బాబురావు.. యజ్ఞం మూవీ లో హీరోగా నటిస్తావా అని నన్ను అడగగా వెంటనే ఓకే చేశాను అని సరికొత్త విషయాన్ని తెలిపారు. ఆ రీతిలో కళ్యాణ్ రామ్, ప్రభాస్ మిర్చి చేసుకున్న “యజ్ఞం” సినిమాతో తన కెరీర్ లో ఫస్ట్ హిట్ పడినట్లు గోపీచంద్ స్పష్టం చేశారు.
తొలివలపు సినిమాతో హీరోగా డెబ్యూ చేసిన గోపీచంద్.. డైరెక్టర్ తేజ దర్శకత్వంలో జయం, నిజం సినిమాలతో విలన్ గా సూపర్ సక్సెస్ అయ్యాడు. ఆ తర్వాత ప్రభాస్ హీరోగా నటించిన వర్షం సినిమాలో కూడా విలన్ గా నటించి విమ‌ర్శ‌కుల ప్ర‌శంస‌లు అందుకున్నాడు.. ఆ టైంలో విలన్ రోల్స్ కి గోపిచంద్ చాలా ఫేమస్ అయిపోయాడు. కానీ.. వర్షం విడుదలైన ఏడాదే యజ్ఞం మూవీతో హీరోగా బ్లాక్ బస్టర్ ని ఖాతాలో వేసుకొని మంచి పేరు ప్ర‌ఖ్యాత‌లు పొందాడు. 2014లో లౌక్యం మూవీ సక్సెస్ తర్వాత ఆ స్థాయి సక్సెస్ ని ఇప్పటివరకూ అందుకోలేకపోయాడు గోపి.
