మ‌న‌ల్ని ఎంత‌గానో న‌వ్వించే క‌మెడీయ‌న్స్ జీవితాల‌లో ఎన్నో క‌ష్టాలు ఉన్నాయి. బుల్లితెర, వెండితెరపై హాస్యాన్ని పంచే చాలా మంది క‌మెడీయ‌న్స్ ఎన్నో క‌ష్టాల‌ని అనుభ‌విస్తున్నారు. ఎన్ని క‌ష్టాలు ఉన్నా కూడా వారు బాధ‌ని క‌న‌ప‌డ‌కుండా త‌మ హాస్యాన్ని పంచుతున్నారు. ఇక బుల్లితెర కామెడీ షో జబర్దస్త్ ద్వారా గుర్తింపు తెచ్చుకున్న అతి కొంతమంది వాళ్ళల్లో పాగల్ పవిత్ర కూడా ఒకరు. మొదట టిక్ టాక్ వీడియోలు చేసుకునే ఈమె జబర్దస్త్ లోకి వచ్చాక చాలా పాపులారిటీని దక్కించుకుంది. తన అద్భుతమైన కామెడీ పంచులు, డైలాగులతో ఆకట్టుకుంటుంద‌నే చెప్పాలి.. పవిత్ర లోకేష్ పొట్టిగా ఉన్నప్పటికీ గట్టి పిండమని చెప్పవచ్చు. పురుషులతో పోటీ పడుతూ మంచి కామెడీ టైమింగ్ తో ప్ర‌తి ఒక్క‌రిని అల‌రిస్తుంది.
తన అద్భుతమైన కామెడీ పంచులు, డైలాగులతో ఎంత‌గానో ఆకట్టుకుంటుంది పవిత్ర .బుల్లెట్ భాస్కర్ , హైపర్ ఆది ,మంకీ వెంకీ టీమ్స్ లో అప్పుడప్పుడు కనిపిస్తూ నవ్వులు పువ్వులు పూయించిన పవిత్ర కెరియర్ ఆరంభంలో కొన్ని సీరియల్స్ లో నటించింది. అయిన‌ప్ప‌టికీ ఈమెకు పెద్దగా గుర్తింపు రాలేదు.దాంతో జబర్దస్త్ లోకి వచ్చింది . ఆ తర్వాత జబర్దస్త్ ద్వారా తన జాతకాన్ని మార్చుకున్న ఈమె బుల్లితెర కార్యక్రమాలలో ఎప్పుడూ నవ్వుతూ కనిపించే ఈమె జీవితంలో ఎవరికీ కనిపించని కన్నీటి గాధలు ఉన్నాయి. కొన్నేళ్ల క్రితమే తండ్రి కన్నుమూయ‌గా,తల్లి ఊర్లోనే ఉంటుంది. తనకున్న బ్యూటీ సెలూన్ ను అమ్మేసి ఇటీవలే ఒక ఇంటిని కూడా కొనుగోలు చేసింది పవిత్ర.
తండ్రి మరణించడంతో అన్ని తానే అయి కుటుంబ బాధ్యతలను మోస్తున్న పవిత్ర లోకేష్ ఎన్నో ఇబ్బందులను ఎదుర్కొంది. ఇండస్ట్రీలోకి రావడానికి ఎన్నో అవమానాలను కూడా భరించిన ఈమె కుటుంబ పోషణకు ఇండస్ట్రీలోకి అడుగుపెట్టాలని చెబుతూ ఉంటుంది. ఎటువంటి డైలాగ్ ను అయిన అవలీలగా చెప్పేసే పవిత్ర ప్రస్తుతం సినిమాలో కూడా చేస్తుందట. దాదాపు ఈమె ఐదు సినిమాల్లో కమెడీ పాత్రలు చేస్తుందని టాక్. దీంతో పాటు పలు సీరియల్స్ లోకూడా నటిస్తుండటంతో జబర్ధస్త్ కి ఎక్కువ టైం కెటాయించలేకపోతుందట పవిత్ర. ఏది ఏమైన జబర్ధస్త్ షో చాలా మంది కి లైఫ్ ఇచ్చిందనే చెప్పాలి.
