Rajamouli : రాజ‌మౌళి చైల్డ్ ఆర్టిస్ట్‌గా న‌టించిన విష‌యం మీకు తెలుసా..?

Rajamouli : టాలీవుడ్ ద‌ర్శ‌కుల‌లో ఒక్కటంటే ఒక్క ఫ్లాప్ కూడా లేని ద‌ర్శ‌కుడు రాజ‌మౌళి. తెర‌పై అన్ని రసాలను సమపాళ్లలో రంగరించి చూపించి ప్రేక్ష‌కుల‌కి మంచి వినోదాన్ని పంచుతుంటాడు జ‌క్క‌న్న‌. బాహుబ‌లి సినిమాతో ఆయ‌న స్థాయి ఇంట‌ర్నేష‌న‌ల్ రేంజ్‌కి వెళ్లింది. ఇక రీసెంట్‌గా ఆర్ఆర్ఆర్ సినిమాతో ప్రపంచవ్యాప్తంగా మరోసారి గుర్తింపు తెచ్చుకున్నాడు. రాజ‌మౌళి ద‌ర్శ‌కుడే కాదు న‌టుడు కూడా. ఆయ‌న ఓ సినిమాలో బాల నటుడిగా కూడా వెండితెరపై కనిపించాడు . రాజమౌళి బాల నటుడి గా నటించిన సినిమా పేరు పిల్లనగ్రోవి. 1983 లో ఆ సినిమా షూటింగ్ జరిగింది.

పిల్ల‌న‌గ్రోవి సినిమా షూటింగ్ స‌మ‌యంలో రాజ‌మౌళి వయసు 10 సంవత్సరాలు.ఈ సినిమా షూటింగ్ స‌జావుగానే జ‌రిగిన ప‌లు కారణాల వ‌ల‌న విడుద‌ల కాలేదు. అందుకే రాజమౌళి బాలనటుడిగా న‌టించిన విష‌యం చాలా మందికి తెలియ‌దు. 49వ యేట అడుగుపెట్టిన రాజమౌళి. 1973 అక్టోబర్ 10న జన్మించిన రాజమౌళి. ఎస్ ఎస్ రాజమౌళి పూర్తి పేరు కోడూరి శ్రీశైల శ్రీ రాజమౌళి , దర్శకుడు కాకముందు పలు టీవీ సీరియల్స్‌కు దర్శకుడిగా పనిచేసిన రాజమౌళి ఆ త‌ర్వాత స్టూడెంట్ నెం 1 సినిమాతో ద‌ర్శ‌కుడిగా మారాడు.

దాదాపు రెండు దశాబ్దాల కెరీర్లో 12 చిత్రాలు మాత్రమే చేసిన రాజమౌళి ఎవరూ అందుకోలేని రికార్డ్స్ సెట్ చేశారు. బాహుబలి 2 విడుదలై ఐదేళ్లు అవుతున్నా ఆ మూవీ కలెక్షన్స్ టచ్ చేసే సినిమా రాలేదు అంటే మీరు నమ్మి తీరాల్సిందే. రాజ‌మౌళి .. నాని హీరోగా నటించిన మజ్ను మూవీలో కనిపించారు. అలాగే రైన్ బో అనే సినిమాలో నటించారు. హ్యాపీ డేస్ ఫేమ్ రాహుల్ హీరోగా నటించిన ఈ మూవీ డిజాస్టర్ అయ్యింది. ఏదేమైన ఇండియన్ సినిమా కలలు కన్న 1000 కోట్ల కలెక్షన్స్ సాధించి చూపించాడు ఈ దర్శకుడు. స్టూడెంట్ నెం.1 నుండి ఆర్ఆర్ఆర్ వరకు ప్రతి సినిమాతో బాక్సాఫీస్‌ను షేక్ చేస్తూనే ఉన్నాడు. రీసెంట్‌గా ఎన్టీఆర్, రామ్ చరణ్, అజయ్ దేవ్‌గణ్‌ ‌లతో భారీ మల్టీస్టారర్ చేసి భారీ సక్సెస్ అందుకున్నారు.