Actress : హీరోల కంటే మేం ఏం తక్కువ అంటున్నారు స్టార్ హీరోయిన్లు. వరుసగా 2,3 సక్సెస్ లు కనిపిస్తే చాలు రేట్లు పెంచేస్తున్నారు. దీపం ఉండగానే ఇల్లు చక్కదిద్దుకోవాలి అని చూస్తున్నారు. అందుకే రేట్లు పెంచేసి చేతినిండా సంపాదించుకుంటున్నారు. ఇప్పటి యంగ్ స్టార్ హీరోయన్లతో పాటు.. సీనియర్ హీరోయిన్లు కూడా కోట్లు డిమాండ్ చేస్తున్నారు. సౌత్ లో ప్ర‌స్తుతం స్టార్ హీరోయిన్ ల రెమ్యూనరేషన్ లు ఏవిధంగా ఉన్నాయో ఇప్పుడు చూద్దాం..
టాలీవుడ్ స్టార్ హీరోయిన్ స‌మంత టాలీవుడ్ తో పాటూ తెలుగు హిందీ భాషల్లో సినిమాలు చేస్తోంది. ప్ర‌స్తుతం సామ్ రూ.3 నుండి రూ.5 కోట్ల వరకూ రెమ్యూనరేషన్ అందుకుంటోంది. నయనతార సీనియర్ హీరోల‌తో జోడీ క‌డుతున్నా రెమ్యూనరేషన్ విష‌యంలో రాజీప‌డటం లేదు. ఒక్కో సినిమాకు నయనతార రూ.3 కోట్లు అంత‌కంటే ఎక్కువే తీసుకుంటున్న‌ట్టు టాక్. లేడీ ఓరియెంటెడ్ సినిమాలవల్ల కెరీర్ కోల్పోయింది అనుకున్న టైమ్ లోనే.. స్టార్ హీరోల సినిమా ఛాన్స్ లు కోట్టేసింది కీర్తి సురేష్. ఇది వరకూ 2 కోట్లు తీసుకున్న కీర్తి ఇప్పుడు 3 నుంచి 4 కోట్లు డిమాండ్ చేస్తుందట.
అల వైకుంఠ‌పురం సినిమాతో బుట్ట‌బొమ్మ పూజహెగ్డే ఫుల్ బిజీ అయిపోయింది. ఇక ఒక్కో సినిమాకు ఈ బ్యూటీ రూ.5 కోట్ల రెమ్యూనరేషన్ ను అందుకుంటోంది. ప్ర‌స్తుతం అనుష్క శెట్టి పెద్ద‌గా సినిమాలు చేయ‌డం లేదు. కానీ న‌వీన్ పొలిశెట్టి హీరోగా ఓ సినిమాలో న‌టిస్తోంది. ఇక అనుష్క ఒక్కో సినిమాకు రూ.4 కోట్లు డిమాండ్ చేస్తున్న‌ట్టు సమాచారం. పుష్ప సినిమాతో ర‌ష్మిక మంద‌న్న నేష‌న‌ల్ క్ర‌ష్ గా మారిపోయింది. ఈ సినిమాతో వ‌చ్చిన క్రేజ్ కార‌ణంగా బాలీవుడ్ లో సైతం సినిమాలు చేస్తోంది. ఇక ప్ర‌స్తుతం ర‌ష్మిక ఒక్కో సినిమాకు రూ.3 కోట్ల రెమ్యూనరేషన్ ను డిమాండ్ చేస్తోంది.
