స్టైల్ స్టార్‌గా.. త‌రువాత ఐకాన్ స్టార్‌గా అల‌రిస్తున్న అల్లు అర్జున్ గురించి తెలుగు ప్రేక్ష‌కుల‌కు ప్ర‌త్యేకంగా చెప్పాల్సిన ప‌నిలేదు. ఈయ‌న త‌న కెరీర్‌లో ఎన్నో అద్భుత‌మైన చిత్రాలు చేశారు. ఒక్కో చిత్రం భిన్న‌మైన క‌థాంశంతో కూడుకుని ఉంటుంది. అలాగే మిగిలిన హీరోల‌కు భిన్నంగా బ‌న్నీ భిన్న‌మైన పాత్ర‌లు చేస్తుంటాడు. ఇక ఈయ‌న కెరీర్‌లో వ‌చ్చిన చిత్రాల్లో ఒక‌టి.. అల వైకుంఠ‌పుర‌ములో. ఈ మూవీ బ‌న్నీ కెరీర్‌లోనే అత్య‌ధికంగా వ‌సూళ్లు చేసిన రెండో చిత్రంగా నిలుస్తుంది. ముందు స్థానంలో పుష్ప ఉంది. పుష్ప మూవీ పాన్ ఇండియా లెవ‌ల్‌లో రిలీజ్ అయి బాక్సాఫీస్ వ‌ద్ద రూ.400 కోట్లు క‌లెక్ట్ చేసింది. ఇక అల వైకుంఠ పుర‌ములో దీని త‌రువాత స్థానంలో నిలిచింది.
త్రివిక్ర‌మ్ శ్రీ‌నివాస్ ద‌ర్శ‌క‌త్వంలో గీతా ఆర్ట్స్ బ్యాన‌ర్‌పై 12 జ‌న‌వ‌రి 2020వ తేదీన అల వైకుంఠ పుర‌ములో మూవీ రిలీజ్ అయింది. సంక్రాంతికి రిలీజ్ అయిన ఈ చిత్రం బాక్సాఫీస్ వ‌ద్ద క‌న‌క వ‌ర్షం కురిపించింది. నిర్మాత‌ల‌కు భారీగా లాభాల‌ను తెచ్చి పెట్టింది. ఇందులో బ‌న్నీ ప‌క్క‌న పూజా హెగ్డె హీరోయిన్‌గా న‌టించింది. అలాగే ట‌టు మ‌రో ప్ర‌ధాన పాత్ర‌లో న‌టించింది. దీంతోపాటు సుశాంత్, నివేతా పేతురాజ్, రాహుల్ రామ‌కృష్ణ, ముర‌ళీ శ‌ర్మ, రాజేంద్ర ప్ర‌సాద్ ఇత‌ర ముఖ్య పాత్ర‌ల్లో న‌టించి అల‌రించారు. స‌ముద్ర‌ఖ‌ని విల‌న్ పాత్ర‌లో అద‌ర‌గొట్టేశారు.
అల వైకుంఠ పుర‌ములో మూవీకి గాను రూ.100 కోట్ల మేర బ‌డ్జెట్ కాగా రూ.300 కోట్ల వ‌ర‌కు వ‌సూలు చేసింది. తొలి 10 రోజుల్లోనే రూ.132 కోట్ల‌ను వ‌సూలు చేసి రికార్డు సృష్టించింది. ఇక ఈ మూవీకి థ‌మ‌న్ అందించిన సంగీతం ఎంతో ప్ల‌స్ పాయింట్ అయింది. అలాగే క‌థ కూడా చాలా బ‌లంగా ఉండ‌డం వ‌ల్ల సినిమాను ప్రేక్ష‌కులు అల‌రించారు. ఈ విధంగా అల వైకుంఠ‌పుర‌ములో మూవీ అప్ప‌ట్లో ఎన్నో రికార్డుల‌ను క్రియేట్ చేసింద‌ని చెప్ప‌వ‌చ్చు.
