Krishnam Raju Daughters : తెలుగు సినీ ప‌రిశ్ర‌మ‌లో వ‌ర్స‌టైల్ యాక్ట‌ర్‌గా గుర్తు తెచ్చుకున్నాడు కృష్ణం రాజు. దాదాపు 180కి పైగా సినిమాలు చేసి రెబ‌ల్ స్టార్‌గా తెలుగు ప్రేక్ష‌కుల మ‌న‌సుల‌లో చెర‌గ‌ని ముద్ర వేసుకున్నారు. కృష్ణంరాజు ఆకస్మిక మరణంతో టాలీవుడ్‌ లో విషాద ఛాయలు అలుముకున్నాయి. కృష్ణం రాజు మృతి సినీ ప‌రిశ్ర‌మ‌కు తీర‌ని లోటు అని కొంద‌రు త‌మ ఆవేద‌న వెళ్ల‌బుచ్చారు. అయితే కృష్ణం రాజు మృతి త‌ర్వాత ఆయ‌న ఫ్యామిలీకి సంబంధించి అనేక విష‌యాలు వెలుగులోకి వ‌స్తున్నాయి. కృష్ణం రాజు రెండు పెళ్లిళ్లు చేసుకున్నాడ‌ని, మొద‌టి భార్య యాక్సిడెంట్‌లో మృతి చెందింద‌ని స‌మాచారం.
కృష్ణంరాజు.. విజయనగర సామ్రాజ్య వారసులు. అందుకే వారి పేరు వెనకాల రాజు అనేది ఉంటుంది. వీరికి అనేక ఆస్తులున్నాయి. వేల ఎకరాల భూములున్నాయి. కోట్ల ఆస్తులు ఉన్నా కూడా సినీ రంగంపై ఉన్న ఆస‌క్తితోనే ఆయ‌న ఇండ‌స్ట్రీలోకి అడుగుపెట్టి రెబ‌ల్ స్టార్ అనే పేరు తెచ్చుకున్నారు. కృష్ణంరాజుకు కొన్ని కోరికలు ఉండేవి. భక్త కన్నప్ప చిత్రాన్ని ప్రభాస్ తో రీమేక్ చేయాలనుకున్నారు. అలాగే.. విశాలనేత్రాలు, జీవన తరంగాలు నవల ఆధారంగా సినిమాలు తీయాలనుకున్నారు. ప్రభాస్ పెళ్లి చూడాలని, పిల్ల‌ల‌తో క‌లిసి స‌ర‌దాగా ఆడుకోవాల‌ని అనుకునేవారు. కానీ అవ‌న్నీ తీర‌కుండానే క‌న్న‌మూశారు.
కృష్ణం రాజుకి ముగ్గురు కూతుళ్లు ఉన్నారు. వారు సినీ ప‌రిశ్ర‌మ‌కు చాలా దూరంగానే ఉంటారు. పెద్ద అమ్మాయి ప్రసీద లండన్‌లో ఎంబీఏ పూర్తి చేసింది. ప్రభాస్ నటించిన రాధేశ్యామ్ చిత్రంతో నిర్మాతగా మారింది. ఇక రెండో అమ్మాయి ప్రకీర్తి హైదరాబాద్‌లోని జేఎన్టీయూలో ఆర్కిటెక్చర్‌ చదువుతోంది. మూడో అమ్మాయి ప్రదీప్తి సైకాలజీలో డిగ్రీ పూర్తి చేసింది. ఇక కృష్ణం రాజు మొద‌టి భార్య‌కి ఓ కూతురు ఉండ‌గా, ఆమె కూడా కృష్ణంరాజుతోనే క‌లిసి ఉంటుంద‌ట.
