Dimple Hayathi : ప్రముఖ ఆస్ట్రాలజర్ వేణు స్వామి గురించి ప్రత్యేకంగా చెప్పాల్సిన పనిలేదు. ఈయన సినీ, రాజకీయ ప్రముఖుల జాతకాలు చెబుతూ ఎంతో గుర్తింపు పొందారు. సమంత, నాగ చైతన్య విడిపోతారని ఈయన చెప్పడం అది నిజం కావడంతో వేణు స్వామికి మంచి పాపులారిటీ దక్కింది. ఈ క్రమంలోని వేణు స్వామి తరచూ సెలబ్రిటీలకు సంబంధించిన జాతకాలను చెబుతూ వార్తల్లో నిలుస్తున్నారు. రీసెంట్గా రామ్ చరణ్ కూతురు గురించి కూడా జాతకం చెప్పాడు. అయితే ఎప్పుడు నెగెటివ్గా జాతకాలు చెప్పే వేణు స్వామి .. రామ్ చరణ్ కూతురు జాతకం విషయంలో మాత్రం చాలా పాజిటివ్గా మాట్లాడాడు.
ఇకపోతే వేణు స్వామి ఎవరి జాతకంలోనైనా దోషాలు కనుక ఉంటే ప్రత్యేకంగా పూజలు చేస్తూ ఉంటారు అయితే ప్రస్తుతం సెలబ్రెటీలు కూడా వేణు స్వామితో ప్రత్యేకంగా పూజలు చేయిస్తున్నట్లు తెలుస్తోంది.గతంలో రష్మిక మందన్న వేణు స్వామితో తన ఇంట్లో ప్రత్యేకంగా పూజలు చేయించారు.ఇదే విషయాన్ని వేణు స్వామి వెల్లడించారు.అందుకు సంబంధించిన పిక్స్ కూడా నెట్టింట వైరల్ అయ్యాయి. ఇక ఆ తర్వాత వేణు స్వామి..నిధి అగర్వాల్ ఇంట్లో కూడా పూజలు చేశారు. పింక్ కలర్ డ్రెస్ ధరించి వేణు స్వామి బృందం చెప్పిన విధంగా వేదమంత్రాల నడుమ కలశానికి పూజలు చేశారు. జాతక దోషం కారణంగా ఆమె పూజలు చేయించుకున్నట్టు సమాచారం.
ఇక తాజాగా హాట్ బ్యూటీ డింపుల్ హయతి కూడా తాజాగా వేణుస్వామితో పూజలు చేయించుకుంది. వేద మంత్రాల నడుమ ఈ అమ్మడు ప్రత్యేక పూజలు చేయించుకుంది. ఇందుకు సంబంధించిన ఫొటోలు, వీడియోలు నెట్టింట తెగ హల్చల్ చేస్తున్నాయి. ఇక డింపుల్ హయతి విషయానికి వస్తే.. .గల్ఫ్ సినిమాతో ఈమె సినీ ఎంట్రీ ఇచ్చినప్పటికీ ఆ తర్వాత హరీష్ తెరకెక్కించిన గద్దలకొండ గణేష్ సినిమాలో ఈమె చేసిన స్పెషల్ సాంగ్ వల్ల బాగా పాపులర్ అయ్యింది. ఈ సాంగ్ తర్వాతనే ఈమెకు అడపాదడపా అవకాశాలు దక్కాయి. ప్రస్తుతం డింపుల్.. శంకర్- కమల్ కాంబినేషన్లో రూపొందుతున్న ఇండియన్ 2 చిత్రంలో నటిస్తున్నారు.
