Dil Raju : తెలుగు ప్రేక్ష‌కులకి ప్ర‌త్యేకంగా పరిచ‌యం చేయ‌న‌క్క‌ర్లేని పేరు దిల్ రాజు. డిస్ట్రిబ్యూట‌ర్‌గా కెరీర్ మొద‌లు పెట్టి నిర్మాతగా మంచి పేరు ప్ర‌ఖ్యాత‌లు అందుకున్నాడు. ఇటీవలి కాలంలో దిల్ రాజు నిర్మాతగా కంటే డిస్టిబ్యూటర్ గానే ఎక్కువ లాభాలు ఆర్జిస్తున్నారు. ఇతర భాషా చిత్రాలకి సంబంధించి రైట్స్ సొంతం చేసుకొని తెలుగులో రిలీజ్ చేస్తూ భారీ లాభాలు సొంతం చేసుకున్నారు. జైలర్ మూవీ దిల్ రాజుకి కోట్లు కురిపించింది. రీసెంట్ గా రిలీజ్ అయిన యానిమల్ సినిమా కూడా దిల్ రాజుకి సూపర్ కలెక్షన్స్ ని అందించింది. నిర్మాతగా స్పీడ్ తగ్గిన డిస్టిబ్యూటర్ గా మాత్రం దిల్ రాజు చాలా యాక్టివ్ గా ఈ ఏడాది అరడజనుకి పైగా సినిమాలని తన ప్రొడక్షన్ ద్వారానే రిలీజ్ చేసి సక్సెస్ లు అందుకున్నారు.
నిర్మాత దిల్ రాజు ఓటీటీ రంగంలోకి దిగ‌బోతున్నారని కథనాలు చాలా వచ్చాయి.`మ్యాంగో`తో క‌లిసి దిల్ రాజు ఓ కొత్త ఓటీటీ సంస్థని స్థాపించే ప్రయ‌త్నాలు చేస్తున్నారని, దాదాపు 25 చిన్న సినిమాల్ని ఒకేసారి నిర్మించాల‌ని భావిస్తున్నారని, ఒక్కో సినిమాకీ దాదాపు 5 కోట్లు పెట్టుబ‌డి పెట్టే ఆలోచ‌న చేస్తున్నారని, 2024లో ఈ ఓటీటీ సంస్థ పూర్తి స్థాయిలో అందుబాటులో వస్తుందని కథనాలు వినిపించాయి. . ఈ వార్తలను దిల్ నిర్మాణ సంస్థ శ్రీ వెంకటేశ్వర క్రియేషన్స్‌ ఖండించింది. నిర్ధారణ కాకుండా వార్తలను ప్రచురించవద్దని కోరింది.
ఇక దిల్ రాజు ప‌ర్స‌న‌ల్ లైఫ్ విష‌యానికి వ‌స్తే ఆయ‌న భార్య అనిత కొన్నేళ్ల క్రితం అనారోగ్య సమస్యలతో మరణించడంతో మరో వివాహం చేసుకున్నాడు. కరోనా లాక్ డౌన్ సమయంలో తన దూరపు బంధువు అయిన తేజస్విని అనే అమ్మాయిని రెండో వివాహం చేసుకున్నాడు దిల్ రాజు. గత సంవత్సరం తేజస్విని ఓ బాబుకి జన్మనిచ్చింది. దీంతో 50 ఏళ్ళ వయసులో దిల్ రాజు మరోసారి తండ్రి అయ్యాడు. బాబుతో సంతోషంగా గ‌డుపుతున్నాడు. రీసెంట్‌గా తన బాబు అన్వ‌య్‌తో క‌లిసి దిల్ రాజు బ‌ర్త్ డే సెల‌బ్రేష‌న్స్ జ‌రుపుకున్నాడు. ఇందుకు సంబంధించిన వీడియో నెట్టింట తెగ హ‌ల్‌చ‌ల్ చేస్తుంది.
