Meena : ఇటీవ‌ల సినిమా ప‌రిశ్ర‌మ‌లో సెల‌బ్రిటీల విడాకులు కామ‌న్ అయ్యాయి.ప్రేమించ‌డం, పెళ్లి చేసుకోవ‌డం, కొద్ది రోజుల‌కి విడాకులు తీసుకోవ‌డం ప‌రిపాటిగా మారింది. స్టార్ హీరో ధనుష్, ర‌జ‌నీకాంత్ కూతురు ఐశ్వర్య కొద్ది రోజుల క్రితం విడాకులు తీసుకొని సోలోగా ఉంటున్నారు. అయితే ఈ క్ర‌మంలో ధనుష్, మీనాలు పెళ్లి చేసుకోబోతున్నారంటూ ప్ర‌చారం న‌డుస్తుంది. ఇండ‌స్ట్రీలోని అగ్ర హీరోలంద‌రితోనూ ఆడి పాడిన మీనా భ‌ర్త విద్యా సాగ‌ర్ కొద్ది రోజుల క్రితం అనారోగ్యంతో క‌న్నుమూశారు. ఇప్పుడిప్పుడు మీనా ఆ దుఃఖం నుంచి కోలుకుంటుండ‌గా, ఆమెని రెండో పెళ్లి చేసుకోమ‌ని త‌ల్లిదండ్రుల ఒత్తిడి చేస్తున్నార‌ట. ఈ మేర‌కు రెండో పెళ్లికి ఒప్పుకున్నారంటూ వార్తలు నెట్టింట హ‌ల్ చ‌ల్ చేస్తున్నాయి.
మీనా చేసుకోబోయేది ధనుష్ అనే హీరోని కోలీవుడ్ వ‌ర్గాలు చెబుతున్నాయి. ఈ హీరో వయసులో మీనా కన్నా చిన్నవాడు అయినప్పటికీ వీరిద్దరూ పెళ్లి చేసుకోవడానికి సిద్ధమయ్యారని ఇప్పటికే నిశ్చితార్థానికి ముహూర్తం కూడా నిర్ణయించారు అనే వార్తలు కోలీవుడ్ ఇండస్ట్రీలో సంచలనంగా మారాయి. ఈ వ్యాఖ్యలపై నేటిజన్స్ స్పందిస్తూ ఏదైనా చెబితే నమ్మేలాగా ఉండాలి…ఇలాంటి తప్పుడు వార్తలను ఎలా పుట్టిస్తారు అంటూ పెద్ద ఎత్తున కామెంట్లు చేస్తున్నారు.అయితే గతంలో మీనా తన రెండో పెళ్లి గురించి స్పందిస్తూ తనకు పెళ్లి చేసుకునే ఉద్దేశమే లేదని ఇలా తన గురించి తప్పుడు వార్తలు సృష్టించి తనని బాధ పెట్టొద్దు అంటూ ఈమె రెండో పెళ్లి వార్తలను ఖండించిన విషయం తెలిసిందే.
‘రఘువరన్ బీటెక్’, ‘న‌వ మ‌న్మ‌ధుడు’ వంటి చిత్రాల‌తో టాలీవుడ్‌లోనూ మంచి మార్కెట్‌ను క్రియేట్ చేసుకున్న ధ‌నుష్‌కి త‌మిళ నిర్మాతల మండ‌లి ధ‌నుష్‌కు రెడ్ కార్డు ఇచ్చేందుకు సిద్ద‌మైన‌ట్లు తెలుస్తోంది. శ్రీ తేండ్రళ్ ఫిల్మ్స్ నిర్మాణంలో ఓ సినిమాలో న‌టిస్తాన‌ని మాట ఇచ్చాడట ధనుష్. ఇందుకోసం అడ్వాన్స్ తీసుకున్నాడు. డ‌బ్బులు తీసుకుని చాలా కాల‌మే అవుతోండ‌గా.. ఇప్ప‌టి వ‌ర‌కు సినిమా మాత్రం చేయ‌లేదు. దీంతో స‌ద‌రు నిర్మాణ సంస్థ త‌మిళ నిర్మాతల మండ‌లిలో ఫిర్యాదు చేసింది. ఇలా చేసినందుకు గాను ధ‌నుష్‌కు రెడ్ కార్డ్ జారీ చేసే ఆలోచ‌న‌లో నిర్మాతల మండ‌లి ఉన్న‌ట్లు గుస‌గుస‌లు వినిపిస్తున్నాయి.
