CM YS Jagan : ఎన్నిక‌లు ద‌గ్గ‌ర పడుతున్న సమయంలో పార్టీకి సంబంధించిన నాయ‌కులు ఒక‌రిపై ఒక‌రు దారుణ‌మైన విమ‌ర్శ‌లు చేసుకుంటున్నారు. పవన్ కళ్యాణ్ మంగ‌ళ‌గిరి స‌భ‌లో జగన్ అధికారంలోకి వచ్చిన మూడు నెలలలో బీసీల పొట్ట కొట్టారని ఆరోపించారు.30 లక్షలకు పైచిలుకు భవన నిర్మాణ కార్మికుల పొట్ట కొట్టడం జరిగింది.2019 ఎన్నికల ప్రచారం సమయంలో ఏలూరులో వైసీపీ బీసీ డిక్లరేషన్ ప్రకటించి అధికారంలోకి వచ్చాక బీసీలను నట్టేట ముంచారని విమర్శించారు.బీసీలు సంక్షేమానికి ఎన్నో హామీలు ప్రకటించే అధికారంలోకి వచ్చి వాటిని నెరవేర్చలేదని పవన్ కళ్యాణ్ వైసీపీపై మండి పడటం జరిగింది.
అయితే తాజాగా దీనిపై ఆగ్ర‌హం వ్య‌క్తం చేస్తూ జగన్ మాట్లాడారు. మహిళా దినోత్సవం ముందురోజు అక్క చెల్లెమ్మలకు ఆర్థిక సాయం చేయడం సంతోషంగా ఉందని సీఎం జగన్ మోహన్ రెడ్డి తెలిపారు. 58 నెలల పరిపాలనలో అక్క చెల్లెమ్మల ఆర్థిక సాధికారతే లక్ష్యంగా ముందుడుగు వేశామన్నారు. 14 రోజుల పాటు చేయూత నిధుల కార్యక్రమం కొనసాగుతోందని తెలిపారు. అమ్మఒడి పథకంతో 53 లక్షల మంది తల్లులకు తమ ప్రభుత్వం అండగా నిలిచిందని అన్నారు సీఎం జగన్. పిల్లల చదువుల కోసం ఈ స్థాయిలో అండగా నిలిచిన ప్రభుత్వం మరెక్కడా లేదని చెప్పారు. గత ప్రభుత్వం అక్కచెల్లెమ్మలకు ఇలాంటి మేలు చేసిన చరిత్రే లేదని అన్నారు.
గత ప్రభుత్వంలో ఇలాంటి మంచి పనులు జరిగాయా..? అని.. ఎక్కడ లంచాలు లేకుండా సంక్షేమ పథకాలు అందజేస్తున్నామని వెల్లడించారు. ఈ సందర్భంగా చంద్రబాబు నాయుడు, పవన్ కళ్యాణ్‌పై నిప్పులు చెరిగారు. బాబు పేరు చెబితే మోసాలు, వంచనలే గుర్తొస్తాయని.. పొదుపు సంఘాలకు చేసిన దగా కనిపిస్తుందన్నారు. ఇక దత్తపుత్రుడి పేరు చెబితే వివాహ వ్యవస్థకే మచ్చగా గుర్తొస్తాడని ఎద్దేవా చేశారు. కార్లను మార్చినట్లు భార్యలను మార్చేస్తున్నారంటూ తీవ్రంగా విమర్శించారరు. వీరిద్దరూ కలిసి 2014లో వాగ్ధానాలు ఇచ్చి మోసం చేశారని.. బ్యాంకుల్లో పెట్టిన బంగారం విడిపిస్తానంటూ మోసం చేశారని ఫైర్ అయ్యారు. చంద్రబాబును నమ్మడం అంటే.. కాటేసే పామును నమ్మడమేనని.. బాబు-పవన్‌ను నమ్మడం అంటే తినేసే పులిని ఇంటికి తెచ్చుకోవడమేనన్నారు. కార్లను మార్చినట్టు భార్యలను మార్చేస్తాడని ధ్వజమెత్తారు.
