CM YS Jagan : నా చెల్లెల్ని క‌న్న కూతురిలా చూసుకున్నా.. కాని న‌న్నే మోసం చేసిందంటూ జ‌గ‌న్ ఎమోష‌న‌ల్

CM YS Jagan : ప్ర‌స్తుతం ఏపీలో రాజ‌కీయం మ‌రింత వేడెక్కుతుంది. టీడీపీ-జ‌న‌సేన ఒక‌వైపు, వైసీపీ మ‌రోవైపు. వీటి మ‌ధ్య పోటీ హోరాహోరీగా ఉంటుంద‌ని తెలుస్తుంది. ఎన్నికల సంఘం నుంచి ప్రకటన రావడమే తరువాయి పార్టీలన్నీ హోరాహోరీగా తలపడటం ఖాయం. రాష్ట్రంలో అధికారంలో ఉన్న వైసీపీ రెండోసారి ప్రభుత్వాన్ని ఏర్పాటు చేయాలనే పట్టుదలతో ఉండగా, జనసేన, బీజేపీని కలుపుకొని కూటమిగా వెళ్లి ఆ పార్టీని ఓడించాలనే కృత నిశ్చయంతో టీడీపీ అధినేత చంద్రబాబు ఉన్నారు. అయితే టీడీపీ మేనిఫెస్టోను టీడీపీ నేతలే ప్రచారం చేసుకుంటే పెద్ద మ్యాటర్ కాదు.. కానీ వైసీపీ అధినేతే ప్రచారం చేస్తే ఆ కిక్కే వేరు. సీఎం జగన్ ఆ బాధ్యతను చాలా పక్కాగా నిర్వర్తిస్తున్నారు.

తాజాగా వాలంటీర్లకు వందనం సభలో కూడా జగన్ రెడ్డి టీడీపీ మేనిఫెస్టోకు ప్రచారం చేశారు. తాను అమలు చేస్తున్న 8 పథకాలకు చాలా కష్టపడితే ఏడాదికి 70 వేల కోట్లు ఇస్తున్నానని చెప్పుకొచ్చారు. తాను ఇస్తున్న స్కీమ్‌లతో పాటు చంద్రబాబు చెబుతున్న 6 హామీలు జత చేస్తే లక్షా 26 వేల కోట్లు కావాలని లెక్క చెప్పారు. మరి చంద్రబాబు ఏటా లక్షా 26వేల కోట్లు ఇవ్వగలరా అని ఎదుట కూర్చున్న వారిని అడుగుతున్నారు. ఈ ప్రసంగం విన్న ఎవరికైనా ప్రజా సంపదను అడ్డగోలుగా ఖర్చు పెట్టుకుంటూ లక్షల కోట్లు అప్పులు చేసి అందలో అరకొరగా పంచుతున్న వైనం అందరికీ గుర్తుకు వస్తుంది. ఏడాదికి లక్ష కోట్లకుపైగానే అప్పులు చేస్తున్నారు. కానీ పంచుతున్నది తక్కువే. ఈ మాత్రం చంద్రబాబు చేయలేరా ?. చంద్రబాబు పని తనం గురించి ప్రజలకు తెలుసు. ఆయన సంపద సృష్టిస్తారు. ఆయన సృష్టించిన సంపదనే జగన్ రెడ్డి తాకట్టు పెట్టుకున్నారని కూడా జనానికి తెలుసు.

మరి చంద్రబాబు ఆ మాత్రం చేయలేరని ఎందుకు అనుకుంటారు ? చంద్రబాబు ఇస్తున్న హామీలపై విస్తృత చర్చ జరుగుతోంది. బాబు సూపర్ సిక్స్ పేరుతో వైరల్ అవుతున్నాయి. అందుకే జగన్ రెడ్డి ఆ హామీలను నమ్మవద్దని బతిమాలుకుంటున్నరారు. ఎన్నికలయ్యాక చంద్రబాబు మేనిఫెస్టోని చెత్తబుట్టలో పడేస్తారు. ఈ నిజాలన్నీ వాలంటీర్లు ఇంటింటికీ చెప్పాలి. ప్రజలు మోసపోకుండా వాలంటీర్లే అవగాహన కల్పించాలని వాలంటీర్లకు వందనం సభలో వేడుకున్నారు. ఇక ష‌ర్మిళ గురించి త‌న సొంత వాళ్ల‌తో చెప్పుకుంటూ జ‌గ‌న్ బాధ‌ప‌డుతున్నాడ‌ట‌. కూతురిలా చూసుకున్నాను. కాని ఆమె ఇప్పుడు నాకే రాజ‌కీయాలలో ఎదురు నిల‌ప‌డుతుంద‌ని ఆయ‌న అన్న‌ట్టు స‌మాచారం. ఇక ఆదివారం రోజు జరిగిన వివాహానికి జగన్ దంపతులు హాజరు కాకపోవడం ఇప్పుడు రాజకీయ వర్గాల్లో హాట్ టాపిక్ గా మారింది. ఎంగేజ్మెంట్ కు హాజరైన జగన్ దంపతులు వివాహానికి ఎందుకు హాజరు కాలేదు అనే అంశంపై సర్వత్ర చర్చ జరుగుతుంది. అయితే జగన్ దంపతులు వివాహానికి హాజరు కాకపోవడం పై బలమైన కారణమే ఉందంటున్నాయి.