CM Revanth Reddy : అసెంబ్లీలో కేసీఆర్‌కి బ‌ర్త్ డే విషెస్ చెప్పిన రేవంత్ రెడ్డి..!

CM Revanth Reddy : తెలంగాణలో కాంగ్రెస్ ప్ర‌భుత్వం అధికారంలోకి వ‌చ్చాక రేవంత్ రెడ్డి ముఖ్య‌మంత్రిగా ప‌ద‌వీ స్వీకారం చేశారు.ఆయ‌న ముఖ్య‌మంత్రిగా అధికారంలోకి వ‌చ్చాక త‌న‌దైన శైలిలో దూసుకుపోతున్నారు. అయితే బీఆర్ఎస్, కేసీఆర్ పై ఓ వైపు విమ‌ర్శ‌లు కురిపిస్తూనే మధ్య‌మ‌ధ్య‌లో వారిపై ప్రేమ కురిపిస్తున్నారు. కేసీఆర్ బాత్ రూంలో జారి ప‌డిన‌ప్పుడు రేవంత్ రెడ్డి స్వ‌యంగా ప‌రామ‌ర్శించారు. ఇక ఇప్పుడు ఆయ‌న బ‌ర్త్ డే సంద‌ర్భంగా ఇప్పుడు ప్ర‌త్యేక శుభాకాంక్ష‌లు తెలియ‌జేశారు.క‌ల్వకుంట్ల చంద్రశేఖర్ రావు గారికి.. మీరు 70 ఏళ్లు పూర్తి చేసుకుని మరో సంవత్సరంలోకి అడుగు పెడుతున్న సందర్శంగా మీకు జన్మదిన శుభాకాంక్షలు. మీరు సంపూర్ణ ఆయురారోగ్యాలతో ఉండాలని మనస్ఫూర్తిగా కోరుకుంటున్నాను.’ అని జన్మదిన శుభాకాంక్షలు తెలియజేస్తూ లేఖను పంపారు సీఎం రేవంత్ రెడ్డి.

ఇరిగేషన్ శాఖపై మంత్రి ఉత్తమ్ శ్వేతపత్రాన్ని ప్రవేశపెట్టారు. గత బీఆర్ఎస్ పాలనలో కట్టిన ప్రాజెక్టులలోని లోపాలను ఎత్తిచూపుతూ పలు అంశాలను ప్రస్తావించారు. ఆయన ప్రసంగం ముగిసిన తర్వాత ఎమ్మెల్యేగా, మంత్రిగా, ముఖ్యమంత్రిగా బాధ్యతలు నిర్వర్తించి రాజకీయాల్లో నాలుగు దశాబాద్ధాలుగా ఉన్న బీఆర్ఎస్ అధినేత, మాజీ ముఖ్యమంత్రి కేసీఆర్ గారికి కాంగ్రెస్ పార్టీ తరపున పుట్టినరోజు శుభాకాంక్షలు చెబుతున్నాను. రాష్ట్ర పునర్నిర్మాణంలో ప్రతిపక్ష నేతగా పూర్తిస్థాయిలో సహకరించాలని కోరుతున్నాను. భగవంతుడు వారికి మంచి ఆరోగ్యాన్ని ప్రసాదించాలని కోరుకుంటున్నాను” అని సీఎం రేవంత్ రెడ్డి చెప్పారు.

కాగా, బీఆర్ఎస్ అధినేత కేసీఆర్ పుట్టిన రోజు వేడుకలు తెలంగాణ వ్యాప్తంగా ఘనంగా జరుపుకుంటున్నారు అభిమానులు. బీఆర్ఎస్ శ్రేణులు, అభిమానులు కేసీఆర్‌ బర్త్‌డేను గ్రాండ్‌గా సెలబ్రేట్ చేస్తున్నారు. ఊరూ.. వాడా.. గల్లీ గల్లీలో బీఆర్ఎస్ శ్రేణులు కేక్ కట్ చేసి కేసీఆర్‌ను విష్ చేస్తున్నారు. మరికొందరు అన్నదానాలు, రక్తదానాలు, ఆస్పత్రిలో పండ్ల దానాలు, బెడ్ షీట్స్ దానాలు చేస్తున్నారు. . ఈ సందర్భంగా ఆటో డ్రైవర్లకు శుభవార్త అందించింది బీఆర్ఎస్. 1000 మంది ఆటో డ్రైవర్లకు రూ.లక్ష చొప్పున మొత్తం రూ.10 కోట్ల రూపాయల విలువైన ప్రమాద, ఆరోగ్య బీమా పత్రాలను అందించనుంది. అంతేకాకుండా వికలాంగులకు వీల్‌ఛైర్స్‌ పంపిణీ తదితర సేవా కార్యక్రమాలు చేపట్టనుంది.