CM Revanth Reddy : మ‌హిళ‌తో సీఎం రేవంత్ రెడ్డి సంభాష‌ణ‌.. ఏం అడిగారంటే..?

CM Revanth Reddy : తెలంగాణ ముఖ్య‌మంత్రి రేవంత్ రెడ్డి త‌న స్పీచ్‌ల‌తో వార్నింగ్‌లు ఇవ్వ‌డ‌మే కాదు న‌వ్వులు కూడా పూయిస్తాడు.కోస్గిలో స్వయం సహాయక మహిళా సంఘాలతో తెలంగాణ ముఖ్యమంత్రి రేవంత్ రెడ్డి ఆత్మీయ సమావేశం నిర్వహించారు. దీనికి పెద్ద సంఖ్యలో మహిళలు హాజరయ్యారు. ఈ సందర్భంగా సీఎం రేవంత్ రెడ్డి ఓ మహిళతో సరదాగా మాట్లాడారు.బాహుబలి సినిమా ప్రస్తావన తెచ్చారు రేవంత్ రెడ్డి. ఆ సినిమాలో కాలకేయుడి పాత్ర గురించి చెప్పిన సీఎం రేవంత్.. కాలకేయుడిది మా ఊరే అని తెలిపారు. సీఎం రేవంత్ తో మాట్లాడిన ఓ మహిళ.. బాహుబలి‎లో కాలకేయ పాత్ర పోషించిన నటుడు ఎవరో కాదు.. నాకు మరిది అవుతాడు అని సీఎం రేవంత్ తో చెప్పింది.

ఓసారి ఆయనను కొడంగల్ కు తీసుకుని రావాలని ఆ మహిళతో చెప్పారు సీఎం రేవంత్. కాలకేయుడి పాత్ర పోషించిన నటుడిది మా కొడంగల్ అని తన పక్కనే ఉన్న కాంగ్రెస్ నాయకులతో చెప్పారు సీఎం రేవంత్. ఈ సందర్భంగా అక్కడ కాసేపు నవ్వులు పూయించారు. మ‌రో మ‌హిళ నా భ‌ర్త చేసిన త్యాగానికి నెల‌కు 8 ల‌క్ష‌లు సంపాదిస్తున్నాన‌ని చెప్పింది. అయితే అప్పుడు రేవంత్ రెడ్డి మాట్లాడుతూ నీ భ‌ర్త నిన్ను ఎలా చ‌దివించారో నువ్వు కూడా అలా చ‌దివించాల‌ని, ఈ రోజుల్లో పిల్ల‌ల‌కి చ‌దువు చాలా ముఖ్య‌మని ఆయ‌న అన్నారు. రేవంత్ రెడ్డి మాట‌ల‌కి ఆమె తెగ న‌వ్వేసింది.

ఆడబిడ్డలను కోటీశ్వరులను చేయడమే తమ ప్రభుత్వ ఉద్దేశమని సీఎం రేవంత్‌రెడ్డి పేర్కొన్నారు. సీఎంగా పదవీ బాధ్యతలు చేపట్టిన తర్వాత తొలిసారిగా తన సొంత నియోజకవర్గం కొడంగల్‌లో పర్యటించిన ఆయన, నారాయణపేట- కొడంగల్‌ ఎత్తిపోతల పథకంకు శంకుస్థాపన చేశారు. అనంతరం రూ.4,369 కోట్లు విలువైన అభివృద్ది పనులకు శంకుస్థాపనలు చేశారు. అనంతరం అక్కడ మహిళలు ఏర్పాటు చేసిన వివిధ స్టాళ్లను పరిశీలించారు. అనంతరం మహిళా స్వయం సహాయక సంఘాలతో నిర్వహించిన ఆత్మీయ సమావేశంలో ముఖ్యమంత్రి పాల్గొన్నారు. మహిళా సంఘాలను బలోపేతం చేస్తామని ఆయన తెలిపారు. ఐకేపీ, మహిళా సంఘాలద్వారా పంటల కొనుగోళ్లు జరిపిస్తామని హామీ ఇచ్చారు.