CM Revanth Reddy : చంద్ర‌బాబు లేకుంటే మీరు ఉండేవారా..రేవంత్ రెడ్డి స్పీచ్‌కి కేటీఆర్ ఢ‌మాల్

CM Revanth Reddy : తెలంగాణ రాష్ట్రం ఏర్ప‌డిన ప‌దేళ్ల‌కి కాంగ్రెస్ ప్ర‌భుత్వం అధికారం చేజిక్కించుకుంది. ఇప్పుడు కాంగ్రెస్ ప్ర‌భుత్వం అనేక ప‌థ‌కాల‌తో ప్ర‌జ‌ల‌కి ద‌గ్గ‌రైంది. అయితే రీసెంట్‌గా జరిగిన అసెంబ్లీలో రేవంత్, కేటీఆర్ మ‌ధ్య చ‌ర్చ జోరుగా సాగింది. బీఆర్ఎస్ పై తీవ్రస్థాయిలో ఫైర్ అయ్యారు ముఖ్యమంత్రి రేవంత్ రెడ్డి. అసెంబ్లీ మాట్లాడిన సీఎం… కేసీఆర్ కుటుంబాన్ని టార్గెట్ చేశారు. ఆ తర్వాత హరీశ్ రావు మాట్లాడుతూ… కాంగ్రెస్ పార్టీపై విమర్శలు గుప్పించారు. గతం గురించి మాట్లాడాలనుకుంటే… ప్రత్యేకంగా సమయం కూడా పెట్టుకుందామన్నారు సీఎం రేవంత్ రెడ్డి. గవర్నర్ ప్రసంగంపై శనివారం సభలో చర్చ ప్రారంభం కాగా… కాంగ్రెస్, బీఆర్ఎస్ ఎమ్మెల్యేల మధ్య వాగ్వాదం నెలకొంది.

గత కాంగ్రెస్ ప్రభుత్వం గురించి కేటీఆర్ మాట్లాడటాన్ని కాంగ్రెస్ తీవ్రంగా ఖండించింది. తొలుత మంత్రులు… కేటీాఆర్ ప్రసంగానికి అడ్డుతగలగా… ఆ తర్వాత సీఎం రేవంత్ రెడ్డి మాట్లాడారు. కేటీఆర్ కు ప్రజాస్పూర్తిపై అవగాహన లేదన్నారు. 49 శాతాని, 51 శాతానికి తేడా ఉంటుందని గెలిచిన సీట్ల గురించి చెప్పుకొచ్చారు. 51 శాతం వచ్చిన వారికి వంద శాతం ప్రజాస్వామ్యంలో 49 శాతానికి సున్నా విలువ ఉంటుందన్నారు. కొంతమంది ఎన్నారైలకు ప్రజాస్వామ్య స్ఫూర్తి అర్థం కాదని కేటీఆర్ ను టార్గెట్ చేస్తూ ఎద్దేవా చేశారు.

కేసీఆర్‌కు యూత్‌ కాంగ్రెస్‌ ప్రెసిడెంట్‌ అవకాశం ఇచ్చి రాజకీయ జీవితం ప్రసాదించిందే కాంగ్రెస్‌ పార్టీ అని గుర్తు చేశారు. గత పాలనలో కేసీఆర్‌ను ఎంపీగా గెలిపించి కేంద్రంలో మంత్రి పదవి ఇచ్చింది కూడా కాంగ్రెస్సే అని చెప్పారు. కేకే, మహేందర్ రెడ్డి సీటు గుంజుకొని కేటీఆర్ ఎమ్మెల్యే అయ్యారన్నారు.అయితే దీనిపై స్పందించిన కేటీఆర్.. కాంగ్రెస్ ఇచ్చిన ఆరు గ్యారెంటీలు అమలు చేసి తీరాలన్నారు. ఎన్నారైలకు టికెట్ అమ్ముకున్నది ఎవరో చెప్పాలని కేటీఆర్ ప్రభుత్వాన్ని నిలదీశారు. అలాగే కాంగ్రెస్ పార్టీ అధినేత్రి ఎన్నారై అంటూ రేవంత్ మాటలకు ధీటైన సమాధానం ఇచ్చారు. తెలంగాణ బలిదేవత ఎవరో అందరికీ తెలుసని.. బలిదానం, నియంతృత్వం గురించి కాంగ్రెస్ కు మాట్లాడే అర్హత లేదన్నారు.