CM KCR : ప్ర‌స్తుతం ఎల‌క్ష‌న్స్ ప్ర‌చారాలు జోరుగా జ‌రుగుతున్నాయి. చాలా తక్కువ స‌మ‌యం ఉన్న నేప‌థ్యంలో పార్టీ అధినాయ‌కులు ప్ర‌జ‌ల‌లోకి వెళుతూ వ‌రాలు ప్ర‌క‌టిస్తున్నారు. అలానే ఒక‌రిపై ఒక‌రు తీవ్ర విమ‌ర్శ‌లు చేసుకుంటున్నారు. అయితే కేసీఆర్ స్వ‌యంగా ఆ పార్టీ ఎంఎల్ఏపై ఆగ్ర‌హం వ్య‌క్తం చేయడం చ‌ర్చ‌నీయాంశంగా మారింది.కూసుమంచి మండలం జీళ్లచెరువులో శుక్రవారం నిర్వహించిన బీఆర్‌ఎస్‌ పాలేరు నియోజకవర్గ ప్రజా ఆశీర్వాద సభకు అపూర్వ ఆదరణ లభించింది. సభకు నియోజకవర్గం వ్యాప్తంగా నలుమూలల నుంచి ప్రజలు, పార్టీ నాయకులు, కార్యకర్తలు, అభిమానులు పెద్ద సంఖ్యలో తరలివచ్చారు.
పెద్ద సంఖ్యలో జనం తరలివచ్చారని కేసీఆర్ సంతోషం వ్య‌క్తం చేశారు. అయితే అంత పెద్ద ఎత్తున జ‌నాలు వ‌చ్చిన కూడా వారి కోసం ఎంఎల్ఏ కందాల స‌రైన ఏర్పాట్లు చేయ‌క‌పోవ‌డంపై కేసీఆర్ మండిప‌డ్డారు. అంద‌రి ముందే ఆయ‌న‌పై ఆగ్ర‌హం వ్య‌క్తం చేశారు. ఇందుకు సంబంధించిన వీడియో నెట్టింట వైరల్ అవుతుంది. ఇక ఇదిలా ఉంటే సీఎం కేసీఆర్ చేసిన ప్రసంగానికి పాలేరు నియోజకవర్గ ప్రజలు ఫిదా అయిపోయాయి. సభ అద్భుతంగా విజయవంతం కావడంతో బీఆర్‌ఎస్‌ శ్రేణుల్లో కూడా జోష్‌ పెరిగింది. ఈ సభను అత్యంత ప్రతిష్టాత్మకంగా తీసుకున్న బీఆర్‌ఎస్‌ నేతలు కేవలం నాలుగు రోజుల వ్యవధిలోనే రేయింబవళ్లూ శ్రమించి జన ప్రభంజనం సృష్టించారు .మధ్యాహ్నం మూడు గంటల వరకు వాహనాల తాకిడి కొనసాగింది. సభకు వేలాదిమందితో రావడంతో ఎమ్మెల్యే కందాళను సీఎం కేసీఆర్ ప్రశంసలతో ముంచెత్తారు.
తక్కువ మాట్లాడడం, ఎక్కువ పని చేయడం ఎమ్మెల్మే కందాళ నైజమంటూ ప్రశంసించారు. అదే క్రమంలో మరోసారి కూడా కందాళకు భారీ మెజార్టీ అందించాలని సీఎం పిలుపునివ్వడంతో ఒక్కసారిగా ప్రజలు నిలబడి తమ సంపూర్ణ మద్దతును తెలిపారు. ద‌ళిత మిత్రుల‌కు న‌మ‌వి చేస్తున్నా. పాలేరు నియోజ‌క‌వ‌ర్గంలో ద‌ళితులు ఎక్కువ‌గా ఉన్నారు.. మాకు ద‌ళిత‌బంధు ఇవ్వాల‌ని ఉపేంద‌ర్ రెడ్డి అడిగారు. ఉపేంద‌ర్ రెడ్డిని ఏక‌ప‌క్షంగా గెలిపించుకుంటే.. మొత్తం నియోజ‌క‌వ‌ర్గానికి ద‌ళిత‌బంధు పెట్టించే బాధ్య‌త నాది. నేనే స్వ‌యంగా వ‌చ్చి హుజురాబాద్‌లో మాదిరిగానే ఈ ప‌థ‌కాన్ని అమ‌లు చేస్తాను. ఈ కోట్లు, నోట్లు ప‌ట్టుకువ‌చ్చేతోడు ఏం చేయ‌డు. అదే ద‌ళిత‌బంధు వ‌స్తే ప్ర‌తి ద‌ళిత కుటుంబానికి రూ. 10 ల‌క్ష‌లు వ‌స్తాయి. ద‌శ‌ల‌వారీగా అయినా స‌రే చేసుకుంటూ ముందుకు తీసుకెళ్తున్నాం. ఉపేంద‌ర్ రెడ్డిని అసెంబ్లీకి పంపించండి.. ద‌ళిత‌బంధు తీసుకొచ్చే బాధ్య‌త నాది అని కేసీఆర్ స్ప‌ష్టం చేశారు.
