Chiranjeevi : స్వ‌యంకృషితో ఇండ‌స్ట్రీలో ఎదిగిన చిరంజీవి ఒక్కో మెట్టు ఎక్కుతూ మెగాస్టార్ గా ఎదిగాడు. ఎంతో క‌ష్ట‌ప‌డితే కానీ చిరు ఈ స్థాయికి చేరుకోలేదు. కెరీర్ మంచి పీక్స్‌లో ఉండ‌గానే చిరు రాజకీయాలలోకి వెళ్లాడు. ప్రజ‌రాజ్యం పార్టీ స్థాపించి కొద్ది రోజులకే దానిని కాంగ్రెస్‌లో విలీనం చేశాడు. అయితే దాదాపు 9 ఏళ్ల త‌ర్వాత మ‌ళ్లీ సినిమాల‌లోకి వ‌చ్చిన చిరంజీవి దూసుకుపోతున్నాడు. కుర్రాళ్ల‌కి పోటీగా సినిమాలు చేస్తున్నాడు. అయితే మ‌ళ్లీ చిరంజీవి రాజకీయాలలోకి వెళత‌డా అనే అనుమానాలు వ్యక్తం అవుతున్నాయి. అందుకు కార‌ణం కూడా లేక‌పోలేదు.
ట్విట్టర్ ద్వారా మెగాస్టార్ చిరంజీవి షేర్ చేసిన 10 సెకన్ల ఆడియో చర్చనీయాంశంగా మారింది. నేను రాజకీయం నుంచి దూరంగా ఉన్నాను. కానీ.. రాజకీయం నా నుంచి దూరం కాలేదు.. అని ఆ ఆడియోలో చిరంజీవి చెప్పారు. ఈ ట్వీట్ ఇప్పుడు వైరల్ గా మారింది. ఈ వ్యాఖ్యలపై మెగా అభిమానులు, కామెంట్స్ చేస్తున్నారు. మనకు రాజకీయాలు వద్దు బాస్ అని కొందరు కామెంట్ చేస్తున్నారు. ఈ డైలాగ్‌కు సంబంధించిన ఆడియోను చిరు ట్విటర్‌గా వేదికగా పంచుకోగా.. నిమిషాల్లోనే వైరల్ అయింది. ఈ ఆడియోకి గాడ్‌ఫాదర్‌ ఫొటో ఉండడంతో.. సినిమాలోని డైలాగ్ అని ఫాన్స్ ఆనందం వ్యక్తం చేస్తున్నారు.
మోహన్‌రాజా దర్శకత్వంలో మెగాస్టార్ చిరంజీవి హీరోగా తెరకెక్కుతున్న పొలిటికల్‌ యాక్షన్‌ థ్రిల్లర్‌ సినిమా గాడ్‌ఫాదర్‌. బాలీవుడ్ హీరో సల్మాన్‌ ఖాన్‌, లేడీ సూపర్ స్టార్ నయనతార, హీరో సత్యదేవ్‌ ఈ సినిమాలో కీలక పాత్రలు పోషిస్తున్నారు. ఇప్పటికే చిత్రీకరణ పూర్తి చేసుకున్న గాడ్‌ఫాదర్‌ సినిమా ప్రస్తుతం నిర్మాణానంతర కార్యక్రమాలు జరుపుకొంటోంది. దసరా కానుకగా అక్టోబరు 5న విడుదల కానుంది. విడుదల తేదీ దగ్గర పడుతుండటంతో ప్రచార కార్యక్రమాలను చిత్ర బృందం వేగవంతం చేసింది.
