Chiranjeevi : సంక్రాంతి బరిలో ప‌లు సినిమాలు నిల‌వ‌గా ఇందులో హనుమాన్ మంచి విజయం సాధించింది. ఈ మూవీ క‌లెక్ష‌న్స్ వ‌ర్షం కురుస్తుంది. ప్రశాంత్ వర్మ తీసిన హనుమాన్ ప్రీ రిలీజ్ ఈవెంట్ ఇటీవ‌ల గ్రాండ్‌గా నిర్వహించారు. ఈ ఈవెంట్‌కు మెగాస్టార్ చిరంజీవి గెస్టుగా వచ్చి సందడి చేశారు. ఈవెంట్‌లో చిరు మాట్లాడుతూ… ఈ వేడుకకు రావడానికి దోహద పడినవి నాలుగు కారణాలు. హనుమాన్ నా ఆరాధ్య దైవం, మా ఇలవేల్పు. ఆ స్వామి గురించి తెలిపే కథ ఈ హను మాన్. డైపర్లు వేసుకునే స్థాయి నుంచి డయాస్ లు ఎక్కే స్టేజ్ కి అంచలంచెలుగా ఎదుగుతున్న తేజ సజ్జ ఒక కారణం. ఈ చిత్రం ట్రైలర్ టీజర్ లో చాలా అద్భుతమైన ఫైన్‌నెస్‌ కనిపించింది.
ఇవి చూసిన తర్వాత దర్శకుడు ప్రశాంత్ వర్మ గురించి అడిగి తెలుసుకున్నాను. ఖచ్చితంగా ఇది గొప్ప సినిమా అవుతుందని అనిపించింది. ఈ సినిమా వేడుకకు ముఖ్య అతిధిగా రావాలని కోరినప్పుడు ఖచ్చితంగా వస్తాను, అన్ని రకాలుగా నా ప్రోత్సాహం ఉంటుదని చెప్పడం జరిగింది..ఈ సినిమా కచ్చితంగా ప్రేక్షకుల ఆదరణ పొందుతుంది. ప్రశాంత్‌వర్మ విజన్, హీరో తేజ కష్టం వృథాపోవు. ఇది చాలా మంచి సీజన్. ఎన్ని సినిమాలు వచ్చినా సరే మన కంటెంట్ లో సత్తా వుంటే ఖచ్చితంగా ప్రేక్షకులు ఆదరిస్తారు. పెద్ద విజయం అందేలా చేస్తారు.
అమృత అయ్యర్ కథానాయికగా నటిచింది. తనకి మంచి భవిష్యత్ వుండాలని కోరుకుంటున్నాను. వరలక్ష్మీ శరత్ కుమార్ చాలా పవర్ ఫుల్ పాత్రలతో అలరిస్తున్నారు. తనకి ఆల్ ది బెస్ట్. వినయ్ హాలీవుడ్ విలన్ లా కనిపిస్తున్నారు. నిర్మాత నిరంజన్ రెడ్డి గారికి కూడా హృదయపూర్వక అభినందనలు. కెమరామెన్, సంగీత దర్శకులు, టీం అందరికీ అభినందనలు. ఖచ్చితంగా సినిమా సూపర్ డూపర్ హిట్ అవుతుంది. ఒక మంచి ప్రకటన నేను చేస్తే బావుటుందని దర్శక నిర్మాతలు చెప్పారు. అయోధ్య రామమందిర నిర్మాణం చరిత్రలో నిలిచిపోయే ఘట్టం. ఈ సమయంలో ఈ చిత్రం రావడం ఒక శుభపరిణామం అని చిరు అన్నారు. అయితే వరలక్ష్మీ గురించి చిరు మాట్లాడుతున్న సమయంలో ఆమెలో ఆనందం మ‌రింత కనిపించింది. చిరంజీవి గారి ముందు మాటలు సరిగ్గా రావడం లేదని, ఎక్కడైనా సరే చకచకా మాట్లాడేస్తుంటాని, ఇక్కడ మాత్రం టెన్షన్‌గా ఉందని చెప్పుకొచ్చింది వరలక్ష్మీ.
