Chiranjeevi : వరుణ్ తేజ్‌ని నిశ్చితార్థం చేసుకున్న త‌ర్వాత ఇప్పుడు ప్ర‌తి ఒక్క‌రు లావణ్య త్రిపాఠికి సంబంధించి తెగ వెతుకులాట మొద‌లు పెట్టారు. ఆమె పాత వీడియోలు ఒక‌సారి బ‌య‌ట‌కు తీయ‌డం,మెగా ఫ్యామిలీని క‌లిసిన‌ప్పుడు వారు ఈ అమ్మ‌డు గురించి ఎలా స్పందించారు, వారిపై లావణ్య త్రిపాఠి ఎలా స్పందించింది అనే వాటిగురించి చ‌ర్చిస్తున్నారు. లావణ్య త్రిపాఠి ఓ సంద‌ర్భంలో మెగాస్టార్ చిరంజీవిని ఓ ఈవెంట్లో క‌ల‌వ‌గా ఆ రోజు ఆయ‌న ఈ అమ్మ‌డిపై ప్ర‌శంస‌లు కురిపించాడు. లావణ్య స్మైల్ చాలా బాగుంటుంది. ఆ సొట్ట బుగ్గ‌లు చాలా న‌చ్చుతాయి. భ‌లే భ‌లే మ‌గాడివోయ్ చిత్రంలో నీ న‌టన చాలా బాగుంది అని మెచ్చుకున్నారు చిరు.
నీకు మంచి భ‌విష్య‌త్ ఉంటుంద‌ని కూడా ఆ రోజు చిరు చెప్పుకొచ్చారు. అయితే ఈ అమ్మ‌డు ఈ రోజు మెగా కోడ‌లిగా వెళ్లి చిరంజీవి ఫ్యామిలీ సభ్యుల‌లో ఒక‌రిగా మారింది. జూన్ 9న అంటే శుక్రవారం సాయంత్రం హైదరాబాద్ లోని నాగబాబు నివాసంలో మెగాస్టార్ చిరంజీవి-సురేఖ దంపతుల సమక్షంలో వీరి నిశ్చితార్థం ఘనంగా నిర్వహించారు. ఈ వేడుకకు పవర్ స్టార్ పవన్ కల్యాణ్, అల్లు అర్జున్, రామ్ చరణ్ తేజ్, అల్లు అరవింద్, వైష్ణవ్ తేజ్ తోపాటు మెగా ఫ్యామిలీ మొత్తం పాల్గొంది. ఇక వీరి నిశ్చితార్థం సందర్భంగా ఈ జంటకు మెగాస్టార్ చిరంజీవితోపాటు అల్లు అర్జున్, సాయి ధరమ్ తేజ్, మంచు లక్ష్మీ, ప్రగ్యా జైశ్వాల్, కోన వెంకట్ తదితరులు శుభాకాంక్షలు తెలిపారు.
అయితే మెగాస్టార్ చిరంజీవి సైతం త‌న సోష‌ల్ మీడియా ద్వారా బ్యూటీఫుల్ నోట్ రాసుకొచ్చారు. “నిశ్చితార్థంతో ఒక్కటైన వరుణ్ తేజ్-లావణ్య త్రిపాఠికి నా హృదయపూర్వక శుభాకాంక్షలు, ఆశీర్వాదాలు. మీరు అద్భుతమైన జంటగా నిలుస్తారు. అందరి ప్రేమాభిమానాలతో మీ జీవితం సంతోషంగా సాగాలని కోరుకుంటున్నా” అని మెగాస్టార్ చిరంజీవి త‌న ట్విట్ట‌ర్‌లో స్ప‌ష్టం చేశారు. వీరి పెళ్లి వ‌చ్చే ఏడాది జ‌ర‌గ‌నున్న‌ట్టు తెలుస్తుంది.
