Chiranjeevi : మెగాస్టార్ చిరంజీవికి కోట్లాది మంది అభిమానులు ఉన్నారు. ఆయన ఎంత ఎదిగిన ఒదిగి ఉంటారు. అయితే చిరంజీవి చాలా మందికి ఇన్సిపిరేష‌న్. ఆయ‌న‌ని చూసి ఎంతో మంది ఇండ‌స్ట్రీలోకి వ‌చ్చారు. చిరంజీవి స్పూర్తితో వ‌చ్చిన చాలా మంది స్టార్స్‌గా కూడా ఎదిగారు. సినిమా మీద ప్యాషన్‌తో కష్టపడే ప్రతి ఒక్కరికీ తన వంతు సాయం చేయడంలో చిరు ముందుంటారు. తాజాగా జబర్దస్త్ కమెడియన్ గెటప్ శ్రీను కూడా చిరు అండగా నిలబడ్డారు. గెటప్ శ్రీను హీరోగా నటించిన రాజు యాదవ్ సినిమాను ఆదరించాలంటూ చిరంజీవి ఓ వీడియోను రిలీజ్ చేశారు. ఇందులో గెటప్ శ్రీను గురించి చాలా గొప్పగా మాట్లాడారు.
గెటప్ శ్రీను పేరు తలచుకోగానే జబర్దస్త్‌లో రకరకాల గెటప్‌లు, హావభావాలు, గొంతులు, యాసల్లో నటిస్తూ, నవ్వించే నటుడు మన కళ్ల మందు కదులుతాడు. ఈ తరం యువ కమెడియన్లలో నాకు బాగా నచ్చిన వ్యక్తి గెటప్ శీను. ఇప్పుడు తను హీరోగా వస్తున్న చిత్రం రాజు యాదవ్. ట్రైలర్ చూశాను.. ఏదో కొత్తదనం తప్పకుండా ఉంటుందన చూసిన నాకు బావుందనిపించింది. శ్రీను చూపించిన అభినయం మనల్ని నవ్విస్తుంది.. కవ్విస్తుంది. శ్రీనును చూస్తుంటే నాకు గతంలో ఒక కామెడీ హీరో ఉండేవారు.. ఆయన పేరు చలం. ఆయన్ను ఆరోజల్లో ఆంధ్రా దిలీప్ కుమార్ అని పిలిచేవారు. మన గెటప్ శ్రీను కూడా అలానే అనిపిస్తాడు. తన టాలెంట్‌కి లిమిటేషన్స్ లేవు.
మే 24న రిలీజ్ కాబోయే రాజు యాదవ్ సినిమా మీకు బాగా నచ్చుతుందని.. హీరోగా సక్సెస్ అందుకుంటాడని నేను నమ్ముతున్నాను. చిత్ర యూనిట్‌కి ఆల్ ది బెస్ట్” అంటూ మెగాస్టార్ విష్ చేశారు. గెటప్ శ్రీను టాలీవుడ్‌లో హీరోగా ఆరంగేట్రం చేస్తున్నాడు. అలాగే ఈ మూవీతో కృష్ణమాచారి డైరెక్టర్‌గా పరిచయం అవుతున్నారు.సాయి వరుణవి క్రియేషన్స్, చరిష్మా డ్రీమ్స్ ఎంటర్‌టైన్‌మెంట్ బ్యానర్‌లపై కె. ప్రశాంత్ రెడ్డి, రాజేష్ కల్లెపల్లి సంయుక్తంగా రాజు యాదవ్ సినిమాను నిర్మించారు. అయితే శ్రీనుని చూస్తుంటే నాకు గతంలో కామెడీ హీరో చలం గారు గుర్తుకు వస్తారు. చలం గారిని ఆంధ్ర దిలీప్ కుమార్ అని పిలిచేవారు. మన గెటప్ శ్రీను కూడా నాకు అలానే అనిపిస్తారు” అని చిరంజీవి అన్నారు.
