Chiranjeevi : మెగాస్టార్ చిరంజీవి తన తల్లి బ‌ర్త్ డే వేడుక ఎంత ఘనంగా సెలబ్రేట్ చేస్తాడో మ‌నం చూస్తూనే ఉన్నాం. ఈ రోజు అంజనా దేవి బ‌ర్త్ డే సందర్భంగా తల్లికి ‘పద్మ విభూషణుడు’ ప్రత్యేకంగా పుట్టిన రోజు శుభాకాంక్షలు తెలిపాడు. పద్మశ్రీ, పద్మ భూషణ్ అందుకున్న మెగాస్టార్ కు పద్మ విభూషణ్ దక్కడంతో టాలీవుడ్ మొత్తం సంబరాలు చేసుకుంటున్నారు. మొన్నటి వరకు టాలీవుడ్ నుంచి ఈ ఘనత సాధించింది కేవలం అక్కినేని నాగేశ్వరరావు మాత్రమే. ఆయన తర్వాత పద్మ విభూషణ్ దక్కించుకున్న నటుడిగా చిరంజీవి చరిత్ర సృష్టించారు. ఈ మధుర క్షణాల్లోనే చిరంజీవికి ఇంకో ప్రత్యేకమైన రోజు కూడా వచ్చింది. అదే ఆయన తల్లి పుట్టినరోజు. తల్లి అంజనాదేవి పుట్టినరోజుని చిరంజీవి మరింత ప్రత్యేకంగా మార్చారు. అందుకు సంబంధించిన ఫొటోలను తన సోషల్ మీడియా ఖాతా ద్వారా పంచుకున్నారు.
“కనిపించే దేవత, కని పెంచిన అమ్మకి ప్రేమతో జన్మదిన శుభాకాంక్షలు” ఎక్స్‌లో పోస్ట్‌ చేశాడు. ఈ ప్రస్తుతం ఈ ఫొటోలు సోషల్ మీడియాలో వైరల్ అవుతున్నాయి. వీటిని చూసి మెగా ఫ్యాన్స్‌ తెగ మురిసిపోతున్నారు.చిరంజీవి తన మాతృమూర్తి అంజనాదేవి జన్మదినాన్ని మరింత ప్రత్యేకంగా మార్చేశారు. ఫ్యామిలీతో కలిసి ఎంతో ఘనంగా సెలబ్రేట్ చేసుకున్నారు. కుటుంబ సభ్యులతో కలిసి తల్లితో కేక్ కట్ చేయించారు. ఆ మధుర క్షణాలను తన అభిమానులతో కూడా కలిసి పంచుకున్నారు.
సినీ ప్రముఖులతో పాటు అభిమానులు, నెటిజన్లు అంజనా దేవికి పుట్టిన రోజు శుభాకాంక్షలు తెలుపుతున్నారు. కాగా చిరంజీవి ఎప్పుడు తన తల్లిపై ప్రేమ, అప్యాయతను కురిపిస్తుంటాడు. అంతేకాదు ప్రతి ఏటా ఆమె బర్త్‌డే సెలబ్రేట్ చేస్తూ మెగా కుటుంబాన్ని ఒకచోట చేరుస్తుంటాడు. ఎప్పుడు మెగా బ్రదర్స్‌ ముగ్గురు కలిసి అంజనాదేవి బర్త్‌డేను సెలబ్రేట్ చేసేవారు. అయితే ఈసారి మాత్రం చిరంజీవి తప్ప మెగా బ్రదర్స్‌ ఈ ఫొటోల్లో కనిపించలేదు. ప‌వ‌న్ కళ్యాణ్ సినిమాలు, రాజకీయాలు ఇత‌ర‌త్రా ప‌నుల‌తో బిజీగా ఉంటే నాగ‌బాబు ఏ కార‌ణం వ‌ల‌న హాజరు కాలేదో తెలియ‌రావ‌డం లేదు.
https://youtube.com/watch?v=Afv-ser5O7I
