Chiranjeevi : ఈ రోజు మెగా అభిమానుల పండుగ అని చెప్పాలి. చిరంజీవి ఈ రోజు 68వ ప‌డిలోకి అడుగుపెట్ట‌డంతో ఆయ‌న బ‌ర్త్ డే వేడుక‌ల‌ని ప్ర‌తి ఒక్కరు ఘనంగా సెల‌బ్రేట్ చేసుకుంటున్నారు. ఇక ప‌లువురు సినీ, రాజకీయ ప్ర‌ముఖులు బ‌ర్త్ డే విషెస్ తెలియ‌జేస్తున్నారు. అన్నయ్య మెగాస్టార్ చిరంజీవికి తమ్ముడు పవర్ స్టార్ పవన్ కళ్యాణ్ ప్రత్యేకంగా పుట్టిన రోజు శుభాకాంక్షలు తెలిపారు. ఈ మేరకు సోషల్ మీడియా వేదికగా ఓ లేఖ పంచుకున్నారు. మీ తమ్ముడుగా పుట్టి మిమ్మల్ని అన్నయ్య అని పిలిచే అదృష్టాన్ని కలిగించిన ఆ భగవంతునికి ముందుగా థ్యాంక్స్ అంటూ తన సందేశాన్ని పోస్ట్ చేశారు పవన్ కళ్యాణ్. రామ్ చరణ్ షేర్ చేసిన పోస్ట్ కూడా అంద‌రిని ఆక‌ట్టుకుంది.
మా ప్రియాతి ప్రియమైన ‘చిరుత’ (చిరంజీవి తాత)కు ఆనందాల పుట్టినరోజు శుభాకాంక్షలు. ఆయనపై మా ప్రేమాభిమానాలకు అంతులేదు. కొణిదెల కుటుంబంలో ఇటీవల వచ్చిన బుజ్జాయి కూడా ఆయనపై ప్రేమ కురిపిస్తుంది” అంటూ రామ్ చరణ్ ఇన్ స్టాగ్రామ్ లో పేర్కొన్నారు. ఉపాసన కూడా ఇదే సందేశాన్ని పంచుకున్నారు. చిరంజీవి పుట్టిన రోజు సందర్భంగా హైదరాబాద్‌లో చిరంజీవి పుట్టినరోజు వేడుకలను అభిమానులు ఘనంగా జరుపుకుంటున్నారు. స్వయంకృషి, స్వీయ ప్రతిభే చిరంజీవి కెరీర్ కి పునాది రాళ్లు. అడుగడుగునా సవాళ్లను అధిగమించి చరిత్ర సృష్టించిన విజేత మన మెగాస్టార్ కాగా, ఆయనపై ప్ర‌తి ఒక్కరు త‌మ‌దైన స్టైల్‌లో ప్రేమ‌ని చాటుతున్నారు.
చిరంజీవి బ‌ర్త్ డే సంద‌ర్భంలో ఒక టీవీ ఛాన‌ల్ సాంగ్ విడుద‌ల చేసింది.ఆ సాంగ్‌కి నెటిజ‌న్స్ నుండి సూప‌ర్భ్ రెస్పాన్స్ వ‌స్తుంది. విడుద‌లైన కొన్ని గంట‌ల‌లోనే ఆ సాంగ్‌కి మంచి రెస్పాన్స్ ద‌క్కింది. చిరున‌వ్వుల చిరుత.. గ‌గ‌నం నీ ఘ‌న‌త అంటూ సాగే ఈ పాట ఇప్పుడు నెట్టింట దూసుకుపోతుంది. మెగా ఫ్యాన్స్‌ని కూడా ఈ సాంగ్ ఎంత‌గానో ఆక‌ట్టుకుంటుంది. ప్ర‌తి ఒక్క మెగా అభిమాని కూడా త‌న‌దైన స్టైల్‌లో ఈ సాంగ్‌పై కామెంట్స్ పెడుతున్నారు.
