Chinna Jeeyar : యూనివర్సల్ హీరో ప్రభాస్ రాముడిగా కృతి సనన్ సీత గా నటిస్తున్న సినిమా ఆదిపురుష్…జూన్ 16న విడుద‌ల కానున్న ఈ సినిమా ఇప్పటికే ప్రమోషన్స్ కార్యక్రమాల్లో వేగం పుంజుకుంది.అందులో భాగంగానే ఇటీవల జరిగిన ప్రీ రిలీజ్ ఈవెంట్ మూవీపై భారీ అంచ‌నాలు పెంచింది. ట్రైల‌ర్ కూడా ఆస‌క్తిని రేకెత్తించింది. అయితే చిత్రంలోని కొన్ని పాత్ర‌ల‌పై విమర్శలు వ్య‌క్తం అవుతున్నాయి. ముఖ్యంగా ప్రభాస్ లుక్ పై అనేక విమర్శలు వచ్చాయి. రాముడికి మీసాలు ఉండటమేమిటని ఎంతోమంది అన్నారు. టీజర్ లో కనిపించిన గ్రాఫిక్స్ సరిగా లేకపోవడం కూడా ఇలాంటి విమర్శలను మరింత పెంచింది. ఇటీవల రిలీజైన ట్రైలర్లు నెగెటివిటీని పోగొట్టేసి పాజిటివిటీని, అంచనాలను పెంచేసాయి.
ఇటీవల ప్రముఖ నటి కస్తూరి, ఆదిపురుష్ లో ప్రభాస్ లుక్ పై విమర్శలు చేసారు. రాముడికి మీసాలతో చూపించడం వల్ల కర్ణుడిలా ప్రభాస్ కనిపిస్తున్నారని ఆమె అన్నారు. తెలుగు ఇండస్ట్రీలో ఎంతోమంది హీరోలు రాముడి పాత్రలో కనిపించారనీ, ప్రభాస్ మాత్రం మీసాల కారణంగా కర్ణుడిలా కనిపిస్తున్నారని అన్నారు. ఇలా ప‌లు విమర్శలు వ‌స్తున్న నేప‌థ్యంలో సినిమాలో రాముడికి మీసాలు ఎందుకు అనే ప్రశ్నకు యూవీ క్రియేష‌న్స్ నిర్మాత విక్రమ్ స్పందిస్తూ ఆదిపురుష్ మూవీ అందరికీ నచ్చుతుందని సినిమా చూస్తే రామునికి మీసాలు ఎందుకు ఉన్నాయో అర్థం అవుతుందని ఆయన పేర్కొన్నారు.
అప్పట్లో అన్నమయ్య సినిమాలో నాగార్జున మీసాలతో కనిపించగా ఇప్పుడు ఆదిపురుష్ సినిమాలో ప్రభాస్ కూడా మీసాలతో కనిపించనున్నారు. ఈ సినిమాలోని యాక్షన్ సన్నివేశాల కోసం మోషన్ క్యాప్చర్ టెక్నాలజీని వినియోగించారని విక్రమ్ వెల్లడించారు. ఇక ఇదిలా ఉంటే.. ఆదిపురుష్ చిత్ర అనుభూతిని అందరూ ఆస్వాదించాలన్న లక్ష్యంతో తెలంగాణ ప్రాంతంలో ఆదిపురుష్ రిలీజ్ లో భాగస్వామ్యం తీసుకున్న అభిషేక్ అగర్వాల్ ఆర్ట్స్ సంస్థ అద్భుతమైన నిర్ణయాన్ని తీసుకుంది. ప్రభుత్వ పాఠశాల విద్యార్థులు, అనాథ శరణాలయలు, వృద్ధాశ్రమాల్లో ఉండే వారికి ఉచితంగా పదివేల టికెట్లను ఇస్తామని అభిషేక్ అగర్వాల్ ఆర్ట్స్ ప్రకటించింది.
https://youtube.com/watch?v=NNFOkchp_EQ
