Chatrapathi : నిర్మాత బెల్లంకొండ సురేష్ త‌న‌యుడిగా ఇండ‌స్ట్రీలోకి అడుగుపెట్టిన బెల్లంకొండ శ్రీనివాస్ ప్ర‌తి సినిమాకి ఎంతో క‌ష్ట‌ప‌డి ప‌ని చేస్తున్నాడు. కాని రిజ‌ల్ట్ మాత్రం బెడిసి కొడుతుంది. ఈ క్ర‌మంలో రాజమౌళి దర్శకత్వంలో ప్రభాస్ హీరోగా 2005లో ఆడియన్స్ ముందుకు వచ్చిన సినిమా ‘ఛత్రపతి’ చిత్రాన్ని హిందీలో రీమేక్ చేశాడు. మదర్ సెంటిమెంట్ తో వచ్చిన ఈ చిత్రం ప్రభాస్ కి మాస్ హీరో ఇమేజ్ ని తెచ్చి పెట్టింది. ఇప్పుడు ఈ సినిమాతో టాలీవుడ్ హీరో బెల్లంకొండ శ్రీనివాస్ బాలీవుడ్ లో అద‌ర‌గొట్టాల‌ని భావించాడు. కాని ఆయ‌న ప్ర‌య‌త్నం బెడిసి కొట్టింది. . శుక్రవారం హిందీలో రిలీజ్ అయిన ఈ చిత్రానికి నార్త్ ఆడియన్స్ మామూలు షాక్ ఇవ్వలేదు.
హిందీ బెల్ట్ లో ఛత్రపతి చిత్రం జీరో షేర్ నమోదైనట్లు తెలుస్తోంది. అంటే హిందీ ఆడియన్స్ ఛత్రపతి చిత్రాన్ని ఎంతలా రిజెక్ట్ చేశారో మ‌న‌కు అర్థం అవుతోంది. ఎంత రాజమౌళి చిత్రం అయినప్పటికీ.. బెల్లంకొండ శ్రీనివాస్ తీసుకున్నది సమయానికి తగ్గ నిర్ణయం కాదని కొంద‌రు విశ్ల‌ష‌కులు అంటున్నారు.ఇటీవల రీమేక్ చిత్రాలని ఆడియన్స్ పూర్తిగా రిజెక్ట్ చేస్తున్నారు. ఈ క్ర‌మంలోనే ఛ‌త్ర‌ప‌తికి ఇలాంటి ప‌రిస్థితి వ‌చ్చింద‌ని టాక్. ఇక ఈ చిత్రాన్ని ఆర్ఆర్ఆర్ ని హిందీలో రిలీజ్ చేసిన పెన్ స్టూడియోస్ సంస్థ రిలీజ్ చేసింది. ఈ చిత్ర నిర్మాణంలో బెల్లంకొండ సురేష్ ఎంత పెట్టుబడి పెట్టారో తెలియదు. మొత్తంగా ఛత్రపతి హిందీ రీమేక్ ఒక కాస్ట్లీ మిస్టేక్ గా మిగిలిపోయింది.
పెన్ స్టూడియోస్ సంస్థ ఈ సినిమాకి రూ.45 కోట్ల వ‌ర‌కూ ఖ‌ర్చు పెట్టింది. మ‌రో రూ.5 కోట్లు వ‌డ్డీలు, ప‌బ్లిసిటీ వేసుకొన్నా.. రూ.50 కోట్ల‌యిన‌ట్టు లెక్క. ఇవ‌న్నీ నాన్ థియేట‌రిక‌ల్ రైట్స్ రూపంలో వ‌చ్చేశాయి. అయితే జీ స్టూడియోస్ సంస్థ ఓటీటీ, డిజిటల్‌, శాటిలైట్ హ‌క్కుల్ని కొనేసింది. అందుకు గానూ రూ.50 కోట్లు ముట్ట‌జెప్పిందని టాక్. సాయి శ్రీ‌నివాస్‌తో మ‌రో రెండు సినిమాల‌కు పెన్ స్టూడియోస్ సంస్థ ఒప్పందం కుదుర్చుకుంద‌ని ఇండ‌స్ట్రీ టాక్.. వ‌చ్చే యేడాది ఓ బాలీవుడ్ ద‌ర్శ‌కుడ్ని బెల్లంకొండ కాంబినేష‌న్‌లో ఓ సినిమా చేయాల‌ని ప్లాన్ చేస్తుండ‌గా, ఈ సినిమా రిజ‌ల్ట్‌తో ప‌రిస్థితి ఎలా ఉంటుందో చూడాలి.
