Chandra Babu : ఏపీలో స్కిల్ స్కాంలో తాజాగా హైకోర్టు మధ్యంతర బెయిల్ ఇవ్వడంతో 52 రోజుల తర్వాత రాజమండ్రి జైలు నుంచి విడుదలైన చంద్రబాబు ప్ర‌స్తుతం త‌న ఇంట్లో విశ్రాంతి తీసుకుంటున్నారు. టీడీపీ అధినేత చంద్రబాబునురీసెంట్‌గా జనసేనాని పవన్ కళ్యాణ్ కలిశారు. జూబ్లీహిల్స్ లోని చంద్రబాబు ఇంటికి వెళ్లి ఆయన యోగక్షేమాలు అడిగి తెలుసుకున్నారు. అనంతరం రాజకీయ అంశాలపై వీరిద్దరూ చర్చించారు. ఇందులో పలు అంశాలు చర్చకు వచ్చినట్లు తెలుస్తోంది. చంద్రబాబు పవన్ భేటీలో టీడీపీ-జనసేన ఉమ్మడి మ్యానిఫెస్టో పై ప్రధానంగా చర్చించారు.
త్వరలోనే ఉమ్మడిగా పది అంశాలతో మ్యానిఫెస్టో విడుదల చేసే అంశంపై మాట్లాడుకున్నారు. త్వరలో జనసేన టీడీపీ ఉమ్మడి విస్తృత స్థాయి సమావేశం నిర్వహించనున్నారు. రెండు పార్టీల మధ్య మరింత ఎక్కువగా సమన్వయం ఉండేలా సమావేశాలు నిర్వహించాలని నిర్ణయించారు. ఇవాళ్టి భేటీలో చంద్రబాబు కేసులపైనా పవన్ అడిగి తెలుసుకున్నారు. అయితే చంద్రబాబు త‌మ‌పై పెట్టిన కేసులు గురించి షాకింగ్ కామెంట్స్ చేశారు. చేత‌కాక మ‌మ్మ‌ల్ని ఇలా వేధిస్తున్నాడ‌ని అన్నారు. నాపైన లోకేష్‌పైన కేసులు పెడుతున్నాడు. ప‌రిపాల‌న చేత కాక ఆయన చేసే ప‌నుల‌న్నింటిని ప్ర‌జ‌లు గ‌మ‌నిస్తున్నారంటూ చంద్రబాబు అన్నారు. ర‌జ‌నీకాంత్‌పై ఆయన ఏవేవో మాట్లాడారు. ఆయన గురించి ర‌జనీకాంత్ ఏమైన అన్నారా అంటూ ఆగ్ర‌హం వ్య‌క్తం చేశారు.
ఇక అమరావతి ఇన్నర్ రింగ్ రోడ్డు కేసులో నారా లోకేశ్ని A14గా పేర్కొంటూ ఏసీబీ కోర్టులో సీఐడీ మెమో ఫైల్ చేసిన విషయం తెలిసిందే. ఈక్రమంలో లోకేశ్ కు CRPC సెక్షన్ 41A కింద సీఐడీ నోటీసులు జారీ చేసింది. అక్టోబర్ 4న విచారణకు రావాల్సిందిగా సీఐడీ నోటీసులు ఇచ్చింది. ఈ నోటీసులో హెరిటేజ్ తీర్మానాలు, అకౌంట్స్ పుస్తకాలు తీసుకురావాలని లోకేష్‍ను సీఐడి ఆదేశించింది. సీఐడీ ఆదేశించిన నిబంధనలపై లోకేశ్ హైకోర్టులో సవాల్ చేశారు. దీంతో స్పందించిన ధర్మాసనం వాదనలు జరిగిన అనంతరం అకౌంట్స్ బుక్స్ కోసం లోకేశ్ ను ఒత్తిడి చేయవద్దని సీఐడీకి హైకోర్టు ఆదేశించింది. దీంతో హైకోర్టు ఇచ్చిన నిబంధనల ప్రకారం లోకేశ్ ను సిట్ అధికారులు న్యాయవాది సమక్షంలోనే విచారించారు.
