Chandra Babu : తెలుగుదేశం అధినేత చంద్రబాబుకు భారీ ఊరట ల‌భించింది. స్కిల్ స్కాంలో హైకోర్టు రెగ్యులర్ బెయిల్ మంజూరు కాగా, ఈ నెల 29 నుంచి చంద్రబాబు ఇక ప్రజల్లోకి వచ్చేందుకు లైన్ క్లియర్ అయింది. ఇదే సమయంలో సీఐడీ తదుపరి అడుగుల పైన ఆసక్తి కొనసాగుతోంది. అటు సుప్రీంకోర్టులో చంద్రబాబు క్వాష్ పిటీషన్ పైన తీర్పు ఏంటనేది మరింత ఉత్కంఠ పెంచుతోంది. స్కిల్ కేసులో సెప్టెంబర్ 9న సీఐడీ పోలీసులు అరెస్ట్ చేసారు. ఆ వెంటనే ఏసీబీ కోర్టు చంద్రబాబుకు రిమాండ్ విధించింది .
రాజమండ్రి జైలులోనే చంద్రబాబు 53 రోజులు ఉన్నారు. అనారోగ్య కారణాలతో చంద్రబాబుకు హైకోర్టు మధ్యంతర బెయిల్ మంజూరు చేయటంతో హైదరాబాద్ లో వైద్య పరీక్షలు చేయించుకున్నారు. కంటికి ఆపరేషన్ పూర్తయింది.అయితే మధ్యంతర బెయిల్ కండీషన్ల కారణంగా చంద్రబాబు రాజకీయ కార్యకలాపాలకు దూరంగా ఉన్నారు. ఇప్పుడు హైకోర్టు రెగ్యులర్ బెయిల్ మంజూరు చేసిన సమయంలోనే మధ్యంతర బెయిల్ కండీషన్ల కొనసాగింపు పైన స్పష్టత ఇచ్చింది. అదే సమయంలో కొన్ని కీలక సూచనలు చేసింది. ఈ నెల 29వ తేదీ వరకు చంద్రబాబు ర్యాలీలు..సభల్లో పాల్గొనవద్దని నిర్దేశించింది. 29వ తేద నుంచి యధావిధిగా రాజకీయ కార్యకలాపాలు కొనసాగించేందుకు ఎలాంటి అభ్యంతరం ఉండదు. ఈ నెల 30న చంద్రబాబును ఏసీబీ కోర్టులో హాజరు కావాలని కోర్టు సూచించింది.
అయితే చంద్ర‌బాముకి తాజాగా బెయిల్ రావ‌డంతో ప్ర‌తి ఒక్కరు ఫుల్ ఖుష్ అవుతున్నారు. న్యాయం గెలిచింది అంటూ సంబ‌రాలు చేసుకుంటున్నారు. మ‌రోవైపు చంద్రబాబు మాట్లాడుతూ వైసీపీ ఒక్కొక్క‌ళ్ల‌కి గ‌ట్టిగా ఇచ్చిప‌డేసాడు. త‌ను అరెస్ట్ అయిన‌ప్పుడు సంబ‌రాలు చేసుకున్న రోజాకి రానున్న రోజుల‌లో చుక్క‌లు చూపించబోతున్న‌ట్టుగా చంద్రబాబు వ్యాఖ్య‌లు చేశాడు. చంద్రబాబుకు.. న్యాయస్థానం బెయిల్ మంజూరు చేయటంపై టీడీపీ జాతీయ కార్యదర్శి నారా లోకేష్ స్పందించారు. స‌త్యం గెలిచింది.. అస‌త్యంపై యుద్ధం మొద‌ల‌వ‌బోతోంద‌ని నారా లోకేష్ అభివర్మించారు. “స‌త్య‌మేవ‌జ‌య‌తే” అన్నది మ‌రోసారి నిరూపిత‌మైందన్నారు. ఆల‌స్య‌మైనా స‌త్య‌మే గెలిచిందని చెప్పుకొచ్చారు.
