Chandra Babu : రేవంత్ రెడ్డి గెలుపుపై చంద్ర‌బాబు ఆస‌క్తిక‌ర వ్యాఖ్య‌లు..!

Chandra Babu : తెలంగాణ‌లో కాంగ్రెస్ ఎవ‌రు ఊహించ‌ని విజ‌యాన్ని చ‌విచూసింది. అర‌వైకి పైగా స్థానాలు ద‌క్కించుకొని ఇప్పుడు ప్ర‌భుత్వం ఏర్పాటు చేసేందుకు సిద్ధ‌మైంది. కాంగ్రెస్ ఇలాంటి విజ‌యం సాధించ‌డం వెన‌క రేవంత్ రెడ్డి కృషి ఉంద‌ని చాలా మంది చెప్పుకొస్తున్నారు. రేవంత్ రెడ్డి గెలుపుపై ఒక్కొక్క‌రు త‌మ అభిప్రాయాలు తెలియ‌జేస్తున్నారు. బీజేపీ జాతీయ ప్రధాన కార్యదర్శి బండి సంజయ్ కీలక వ్యాఖ్యలు చేశారు. ఎన్నికల్లో ఓటమి అనంతరం ఆయన మీడియాతో మాట్లాడారు. బీఆర్ఎస్ ఓడిపోవడం సంతోషంగా ఉందని.. అవినీతి పాలనను ప్రజలు అంతిమొందిచారన్నారు.

రేవంత్ రెడ్డి పెద్ద ఫైటర్ అని. కేసీఆర్ ఏకైక టార్గెట్ రేవంత్ రెడ్డి, బండి సంజయ్ తెలిపారు. రేవంత్ రెడ్డిని కేసీఆర్ ఎంత ఇబ్బంది పెట్టారో అందరికీ తెలుసని పేర్కొన్నారు. రేవంత్ రెడ్డి గ్రౌండ్ లెవల్ నుంచి వచ్చిన ఫైటర్. అందులో ఎలాంటి అనుమానం లేదని బండి సంజయ్ అన్నారు. ఇక చంద్ర‌బాబు సైతం రేవంత్ రెడ్డి గెలుపుపై త‌న‌దైన శైలిలో స్పందించారు. నేను ఆధ్యాత్మిక ప్రాంతంలో ఉన్నాను. ఇప్పుడు రాజ‌కీయాల గురించి మాట్లాడ‌ను. స‌మ‌యం సంద‌ర్భం వ‌చ్చిన‌ప్పుడు త‌ప్ప‌క మాట్లాడ‌తానంటూ ఆయ‌న త‌న అభిప్రాయాన్ని తెలియ‌జేశాడు. కాంగ్రెస్ పార్టీ నుండి పాలనా పగ్గాలు చేపట్టబోతున్న రేవంత్ రెడ్డి కూడా చంద్రబాబు శిష్యుడు కావడం అందరిలో ఆసక్తిని రేకెత్తిస్తుంది. తెలంగాణ మొదటి సీఎం ఆయన శిష్యుడే, తెలంగాణ రెండవ సీఎం కూడా చంద్రబాబు శిష్యుడని పెద్ద ఎత్తున చర్చ జరుగుతుంది.

రేవంత్ రెడ్డి గెలుపు త‌ర్వాత తాడిపత్రి మున్సిపల్ చైర్మన్ జేసీ ప్రభాకర్ రెడ్డి తనదైన శైలిలో మాట్లాడుతూ.. ఆంధ్రప్రదేశ్ లో మంచి పరిపాలన అందించే వ్యక్తికే తమ మద్దతు ఉంటుందని స్పష్టం చేశారు. పార్టీల పరంగా కాకుండా వ్యక్తిగతంగా చంద్రబాబు నాయుడు మంచి పరిపాలన అందించే వ్యక్తి అని, అందుకే ఆయనకు మద్దతు ఇచ్చామని తెలిపారు. రేవంత్ రెడ్డి, చంద్రబాబు నాయుడు శిష్యుడే అని అన్నారు. తెలంగాణ ముఖ్యమంత్రిగా రేవంత్ రెడ్డి ఎంపిక అయితే ఆంధ్రప్రదేశ్ కు మంచి జరుగుతుందని అన్నారు. ఐదు నెలల్లో జరిగే ఎన్నికల్లో ఆంధ్రప్రదేశ్ కు చంద్రబాబు ముఖ్యమంత్రి అవుతారని ధీమా వ్యక్తం చేశారు.