Chaitanya Master : ఢీ ఫేం చైతన్య ఏప్రిల్ 30న నెల్లూరులోని హోట‌ల్‌లో ఆత్మహత్యకు పాల్ప‌డ్డ విష‌యం తెలిసిందే. చనిపోవడానికి ముందు చైతన్య ఒక సెల్ఫీ వీడియో చేస్తూ…. ఆ వీడియోలో ఆత్మహత్యకు కారణాలు వెల్లడించారు. ఆర్థిక ఇబ్బందులతో చనిపోతున్నట్లు చెప్పుకొచ్చార. ఢీ షో తనకు ఎంతో పేరు తెచ్చిపెట్టింది కానీ ఆర్థికంగా నిలబెట్టలేకపోయిందన్నారు. జబర్దస్త్ షోకి ఇస్తున్న రెమ్యూనరేషన్స్ కూడా ఢీలో ఇవ్వడం లేదన్నారు. అంతేకాదు అప్పులు చేస్తే తీర్చే సత్తా ఉంది కానీ… ఒత్తిడి తట్టుకోలేకపోతున్నాను అని మాట్లాడారు.
ఈ జీవితం చాలు. పేరెంట్స్ క్షమించాలని ఆ వీడియోలో చైతన్య కోరాడు. తన సన్నిహితులను చివరిసారిగా తలచుకున్నాడు. అయితే చైతన్య మరణవార్త బుల్లితెర వర్గాలను భారీ షాక్ కి గురి చేసింది. చైతన్యతో అనుబంధం ఉన్న ప్రతి ఒక్కరూ ఆయన్ని గుర్తు చేసుకుంటూ పెద్ద త‌ప్పు చేసాడ‌ని చెబుతున్నారు. అయితే చైతన్య మాట్లాడిన ఒక ఫోన్ కాల్ ఇప్పుడు సోషల్ మీడియాలో వైరల్ అవుతోంది. వైజాగ్ లో ఒక స్టేజ్‌ షో కోసం డాన్సర్స్‌ ని ఏర్పాటు చేయాలంటూ ఒకరు చైతన్యకు కాల్ చేయ‌గా, అత‌ను డాన్సర్ ఐశ్వర్యను షో కోసం మాట్లాడాలని కోరతారు. అయితే ఐశ్వర్యకు వేరే షూట్ ఉందని ఇంకొక డాన్సర్ ని మాట్లాడతాను అంటూ చైతన్య చెప్పుకొస్తాడు.
ఇద్ద‌రి మ‌ధ్య కొద్ది సేపు సంభాష‌ణ జ‌రిగింది. ఇది చైతన్య ఆఖరి ఫోన్ కాల్ అని చెబుతున్నారు. కానీ, ఇది జనవరిలో జరిగిన సంభాషణలా అనిపిస్తోంది. ఈ ఫోన్ కాల్ లోనే చైతన్యకు సదరు వ్యక్తి ఒక సాంగ్ ఆఫర్ కూడా ఇచ్చాడు. 10 మంది కుర్రాళ్లతో ఒక సాంగ్ కొరియోగ్రఫీ చేయాలంటూ కోరుతాడు. అయితే చైతన్య లైఫ్ లో నిలదొక్కుకునేందుకు ఇటు ఢీతో పాటుగా బయట షోస్ కూడా చాలా చేస్తూ ఉండేవారు. ప్ర‌స్తుతం కెరీర్‌లో బిజీగా ఉంటున్న చైతన్య ఎందుకు ఇలాంటి నిర్ణ‌యం తీసుకున్నాడ‌ని ప్రతి ఒక్క‌రు బాధ‌ప‌డుతున్నారు. ఫోన్ కాల్ లో అత‌ని మాట‌లు విన్న అభిమానులు, తోటి కొరియోగ్రాఫర్లు కన్నీళ్లు పెట్టుకుంటున్నారు.
