Bride : ఒక‌ప్పుడు అంటే ప్ర‌భుత్వాల‌ను ప్ర‌శ్నించేందుకు ప్ర‌జ‌ల‌కు స‌రైన మాధ్యమం ఉండేది కాదు. అందువ‌ల్ల ప్ర‌జ‌లు నాయ‌కుల‌ను ప్ర‌శ్నించేందుకు ముందుకు వ‌చ్చే వారు కాదు. అయితే ఇప్పుడు కాలం మారింది. టెక్నాల‌జీ వేగంగా ప‌రుగులు పెడుతోంది. ఈ క్ర‌మంలోనే ప్ర‌జ‌లు కూడా కొత్త టెక్నాల‌జీని వాడ‌డం మొద‌లు పెట్టారు. ముఖ్యంగా వారు సోష‌ల్ మీడియాను బాగా ఉప‌యోగిస్తున్నారు. దీంతో వారు ప్ర‌శ్నించ‌డం కూడా నేర్చుకున్నారు. నేత‌లు సామాజిక మాధ్య‌మాల్లో అందుబాటులో ఉంటున్నారు క‌నుక.. ఆ మాధ్యమం ద్వారానే ప్ర‌జ‌లు కూడా వారిని క‌లుస్తున్నారు. త‌మ స‌మ‌స్య‌ల‌ను విన్న‌విస్తున్నారు. అంతేకాదు.. ఏ నాయ‌కుడైనా లేదా ప్ర‌భుత్వం అయినా స‌రిగ్గా ప‌నిచేయ‌క‌పోతే సోష‌ల్ మీడియా వేదిక‌గానే వారిని ప్ర‌జ‌లు ఒక ఆట ఆడుకుంటున్నారు. ఇక ఇలాంటి మార్గాన్నే ప్ర‌స్తుతం చాలా మంది అనుస‌రిస్తున్నారు. అందులో భాగంగానే ఓ వధువు చేసిన ఫొటోషూట్ ప్ర‌స్తుతం సామాజిక మాధ్య‌మాల్లో వైరల్ గా మారింది.
కేర‌ళ‌లో ఓ వధువు గుంత‌లు ప‌డ్డ రోడ్ల‌పై ఫొటోషూట్ చేసింది. ఆ రోడ్లు చాలా అధ్వాన్నంగా ఉన్న‌యి. గుంత‌ల‌తో బుర‌ద‌నీటితో నిండి ఉన్నాయి. అయితే అలాంటి చోట ఆమె ఎందుకు ఫొటోషూట్ చేసింది.. అని అంద‌రూ ఆశ్చ‌ర్య‌పోతున్నారు. అయితే ఆమె ఫొటోషూట్ చేస్తున్న స‌మ‌యంలో ప‌క్క నుంచి వాహ‌నాలు కూడా బుర‌దను చిందించ‌కుండా వెళ్లాయి. ఈ క్ర‌మంలోనే ఆ వధువు ఫొటోల‌ను సామాజిక మాధ్య‌మాల్లో షేర్ చేయ‌గా.. అవి వైరల్ అయ్యాయి. అయితే ఆమె ఇలా చేసేందుకు బ‌ల‌మైన కార‌ణ‌మే ఉంది. అదేమిటంటే..
ఆ వధువు ఫొటోషూట్ చేసింది కేర‌ళ‌లో. అక్క‌డి రోడ్లు చాలా అధ్వాన్నంగా ఉన్నాయి. ఎంత‌లా అంటే.. ఓ వ్య‌క్తి ఇటీవ‌లే అక్క‌డ ఓ రోడ్డుపై గుంతలో ప‌డి మృతి చెందాడు. దీంతో కేర‌ళ హైకోర్టు ఈ ఘ‌ట‌న‌ను సీరియ‌స్‌గా తీసుకుంది. రోడ్ల‌ను త‌క్ష‌ణ‌మే బాగు చేయాల‌ని ఆ రాష్ట్ర ప్ర‌భుత్వంతోపాటు జాతీయ ర‌హ‌దారుల‌ను ప‌ర్య‌వేక్షించే ఎన్‌హెచ్ఏఐని కూడా ఆదేశించింది. అయితే చాలా చోట్ల రోడ్లు అధ్వాన్నంగా ఉన్నాయి. ఈ క్ర‌మంలోనే అందుకు కార‌ణ‌మైన ప్ర‌భుత్వాల‌ను విమ‌ర్శించేందుకు.. ట్రోల్ చేసేందుకే ఆమె అలా ఫొటో షూట్ చేసింది. దీంతో ఆమెను అంద‌రూ అభినందిస్తున్నారు. దీని వ‌ల్ల రోడ్ల ప‌రిస్థితి ఎలా ఉంద‌న్న‌ది దేశం మొత్తం తెలుస్తుంద‌ని.. అప్పుడు ఆ వార్త చూసి ప్ర‌భుత్వాలు సిగ్గు ప‌డాల‌ని.. క‌నుక ఆ వధువు స‌రిగ్గానే చేసింద‌ని అంటున్నారు. అయితే ఈ త‌ర‌హా ట్రోల్స్‌ను చూసి అయినా ప్ర‌భుత్వాలు మారుతాయో.. లేదో.. చూడాలి.
