Brahmanandam : మహానటి సావిత్రిపై రాసిన ‘సావిత్రి క్లాసిక్స్‌’ పుస్తకాన్ని ఆవిష్కర‌ణ కార్య‌క్ర‌మం అట్ట‌హాసంగా జ‌రిగింది.దివంగత నటి, మహానటి సావిత్రిపై సంజయ్ కిశోర్‌ రచించిన ‘సావిత్రి క్లాసిక్స్‌’ బుక్ లాంచ్ వేడుక లో సావిత్రి గురించి మాట్లాడుతూ.. చిరంజీవి ఉద్వేగానికి లోనయ్యారు. ఇక బ్ర‌హ్మానందం కూడా చాలా ఎమోష‌న‌ల్ కామెంట్స్ చేశారు. సావిత్రి గారి గురించి మాట్లాడే అవకాశం కల్పించినందుకు చిరంజీవి గారికి థాంక్స్ సావిత్రి క్లాసిక్ అనే మరో బుక్ రిలీజ్ అయ్యింది. సంజయ్ కిషోర్ రాసిన ఈ పుస్తకాన్ని మెగాస్టార్ చిరంజీవి చేతుల మీదుగా విడుదల చేశారు.
బ్ర‌హ్మానందం న‌వ్విస్తూనే ఎమోష‌న‌ల్ కామెంట్స్ చేశారు. సావిత్రి బుక్ లాంచ్ ఏదో సాదాసీదాగా చేయ‌లేదు. పెద్ద మ‌న‌సు చేసుకొని చిరంజీవి ఈ బుక్ లాంచ్‌ని చేయ‌డం చాలా గొప్ప విష‌యం. సావిత్ర‌మ్మ ఆమె కార్య‌క్ర‌మాన్ని చాలా అద్భుతంగా చేసుకుంది. ఆమె చేసింది క‌దా న‌ట‌న, ఇలా చేయాలి క‌దా అని అప్పుడు అర్ధ‌మైంది. సావిత్రిగారు గొప్ప నటి అని చెప్ప‌డానికి చాలా కార‌ణాలు ఉన్నాయి. ఒక్కొక్క చూపులో ఒక్కో వైవిధ్యం చూపిస్తూ అంద‌రిని మైమ‌రిపించేస్తుంది. ఆమె గురించి మాట్లాడే అవకాశం నాకు ద‌క్క‌డం నా అదృష్టం. ఎస్వీ రంగారావుతో పోటీ ప‌డి ఆమె న‌టించింది. ప్ర‌తి మాట కూడా చాలా గొప్పగా సావిత్రి గురించి చెప్పుకొచ్చాడు.
ఇక చిరంజీవి మాట్లాడుతూ.. ఏదైనా పాత పాటలు చూడాలనిపిస్తే మాత్రం.. ఆ మహానటి పాటలే చూస్తుంటాను. కేవలం కళ్లతోనే నటించగల గొప్పనటి. ఇలా కళ్లతోనే హావభావాలు పలికించగల నటి ప్రపంచంలో ఇంకెవరూ లేరు. మా నాన్నగారికి చాలా ఇష్టమైన నటీమణి సావిత్రిగారు. నాన్నగారి నుంచే నేను కూడా ఆమెను అభిమానించడం మొదలైంది. అలాంటి నటి గురించి వర్ణించేంత అర్హత నిజంగా నాకు లేదు. కానీ ఆవిడని ఎప్పుడూ నా మనసులో ఆరాధిస్తుంటాను. అలాంటి నాకు ఇలాంటి అవకాశం రావడం.. ఇది నా జీవితానికి దక్కిన అమూల్యమైన అవకాశంగా భావిస్తున్నాను..’’ అని చిరంజీవి చెప్పుకొచ్చారు.
