సోష‌ల్ మీడియాలో ప్ర‌స్తుతం ఇప్పుడు ఎక్కడ చూసినా ఒకటే పదం విపరీతంగా ట్రోల్ అవుతోంది. అనసూయను ఆంటీ.. అంటూ చాలా మంది ట్రోల్ చేస్తున్నారు. అయితే అంత‌కు ముందు కూడా అనసూయను ట్రోల్ చేసేవారు. కానీ అది త‌క్కువే. అయితే ఇప్పుడు మాత్రం భారీ ఎత్తున ట్రోల్ చేస్తున్నారు. అందుకు కార‌ణం కూడా లేక‌పోలేదు. ఆమె అన‌వ‌స‌రంగా విజ‌య్ దేవ‌ర‌కొండ‌పై కామెంట్స్ చేసింది. దీంతో ఆయ‌న ఫ్యాన్స్ ఊరుకుంటారా.. అనసూయను ఆంటీ అంటూ ట్రోల్ చేయ‌డం మొద‌లు పెట్టారు.
అయితే త‌నను ఆంటీ అంటూ బూతులు తింటే వారి స్క్రీన్ షాట్స్‌ను తీసుకుంటున్నాన‌ని.. వారిపై పోలీసుల‌కు ఫిర్యాదు చేస్తాన‌ని కూడా అన‌సూయ చెప్పింది. అయిన‌ప్ప‌టికీ ఆమెపై వ‌స్తున్న ట్రోల్స్ ఆగ‌డం లేదు. అయితే ఈ వివాదంలోకి న‌టుడు బ్రహ్మాజీ దూరారు. ఆయ‌న తాజాగా చేసిన పోస్ట్ వైరల్ అవుతోంది.
అయితే అభిమానుల‌తో బ్రహ్మాజీ ముచ్చటిస్తూ సరదాగా మాట్లాడుతుండగా.. ఓ నెటిజన్.. అంకుల్.. అంటూ కామెంట్ చేశాడు. అంతే సడెన్ గా బ్రహ్మాజీ ఫైర్ అవుతూ.. అంకుల్ ఏంట్రా అంకుల్.. కేసు వేస్తా.. ఏజ్ బాడీ షేమింగ్ చేస్తున్నారా..? అంటూ ఫన్నీ కామెంట్ చేశాడు. కానీ ఇవి పరోక్షంగా అనసూయకు ఘాటు కౌంటర్ ఇచ్చిన్నట్లే అని తెలుస్తోంది. దీంతో బ్రహ్మాజీ పోస్ట్ ను నెటిజ‌న్లు వైరల్ చేస్తున్నారు. అయితే ఇందుకు అన‌సూయ ఏమైనా స్పందిస్తుందేమో చూడాలి.
